Popular Bible Verses from Kalesiɛ̌n 6

Share

Ii tè a nɛ äa kbě biǐ wɛ̀ le keǒ kàan dɛ nunuɛ mɔ̀. Bɛ̌ nu bä se sea, klě kàan tǐ wlòmo ä mi snǒ sàe dɛ jěba.

Tèǒ nì kɔn tè tǐ wùɛ mɔ̀ bɛ̌ nu bä kɔn fɔ̌, è bä nu kàan dɛ keǒ nyu wùɛ mɔ̀, sɛjesɛ keǒ äa bǐì Tentǎn Jǔu wǎn mɔ̀.

A sèsɛɛ měne keǒ aa dɛɛ wan le popa slè, dɛǒ nɛ̀ bǎ ke ni, è Tentǎn Jǔu tetěǒ moo ba nonoɛɛ měne nɛ̀ǒ a tùiǒ bo.

Nè gbee dìe mǒ, nyu slě wɔ̀ bɔ boo Nyesoa mǒ. Dɛǒ tùonyu mii dɔ̌ba nɛ̀ ɔ mi chɛ̌nma.

Bɛ̌ nu bo nyu bɔ̌ ke ɛ le pɛ̀n keǒ bɔ bloo ɔɔ chɛ̀ɛ kpni kukwǐ kmɔ̌ɔ plɔ, è kmɔ̌ sie kokoɛ̌ nɛ̀ ɔ mi jěba. Kɛɛ bɛ̌ nu bɔ̌ ke ɛ le pɛ̀n keǒ bɔ bloo Nyesoaa Sùsuu plɔ, ɔ mi kmɔ̌ sie fònfno jěba ɛ̈ sonwɛ lěe Sùsuǒ Ɛɛ chɛ̀ mɔ̀ mǒ.

Ně bǐì Tentǎn Jǔu wǎn ane, bɛ̌ nu bo nyu bɔ̌ ke dɛ kukǔ ni bǎ kme ɔ, è amoǒ Nyesoaa Sùsu neěe ja, a poě nyuǒ snǔ mɔ̀le klě ja tìe tǔn mǒ, è ba gbɛ̀ɛ aa chɛ̀ ke aǎ slě měne tèntɛn slè be.

Bɛ̌ nu nyuà kɔn tè see kun bɔ̌ jě ɛ ɛ̈ moo ɔɔ tè kun nu, ɔ gbee ɔɔ chɛ̀ mǒ no. Aa do do a chechlǎ aa chɛ̀ɛ de nu kmɔ̌. Bɛ̌ nu nyu bɔ̌ ke kàan dɛ ni, è ɔ kɔn tè kɔn tè bɔ kunʼu kɛn le, kɛɛ ɔɔ̌ pe ɔɔ chɛ̀ nyu tɔ̀ɔ je. Nyu wùɛ kɔnʼě ɔɔ chɛ̀ɛ de nu kmɔ̌ɔ tè mɔ̀ keǒ Nyesoa jemǒ.