Popular Bible Verses from Kalesiɛ̌n 5

Share

Kɛɛ noǎ kɔn tè Ngmà Je Ne Sùsu kɔn lěe mɔ̀ nì moo mǒ noɛnoɛ klee chǒn le nunuɛ klee ně bo wnawna klee wlò dbadbǎ klee wlòo jǐlenmɔnmɔ klee kàan dɛ nunuɛ klee nyopò bu kɔn lěè wlò je kunkuɛn mǒ klee tìeǒ dìe ja plě klee bò jiě dìee wlò mɔ̀ kwa bleblɛ̌. Ɛ se tetě kɔn ɛ̈ neǒ imoo noǎǒ kɛn.

Ě tmɛɛ̌ ane, a nɛ Ngmà Je Ne Sùsu Bɛ nae aa kmɔ̌ neneɛ, baǎ blee aa kpni kukwǐ kmɔ̌ɔ plɔ.

Ke ɛ toon jleě mǒ bo Ngmà Je Ne Sùsuu kpě nu ɛɛ ä kɔnʼɔ kmɔ̌ sie fònfno, a nɛ Ɛmo Sùsuǒ Bɛ kɔn äa kmɔ̌ neneɛ win kwa.

Nyopòà kɔn lěe Jùsu Tentǎn Jǔ mɔ̀ u bɔ̌ uu kpni kukwǐ kmɔ̌ǒ de nena ne klee ɛɛ noǎ kukwǐ wùɛ ɛ jlɛ̌ɛ.

Noǎà kɔn tè kpni kukwǐ kmɔ̌ kɔn lěe mɔ̀ i gbàe kɛn le chnɛ̀, imo noǎǒ nì moo gblà kmɔ̌ klee se wòn mɔ̀ɔ wɛ̀ kmɔ̌ klee se flo je ne kmɔ̌ klee nǔkpuǐi wɛ̀ sèsa klee wò kmɔ̌ klee jejlaea klee wònwɔn klee chea klee jlo měne bebeɛ klee tù dìee doo tè klee chɛtlǐia klee měne bebɛ̌ klee nyu tɔ̀ɔ dɛ ɔ kɔnʼɔ ɛɛ wne popa klee nǎ nmɔ bɛ nu mò klee de ngmnengmnɛ̌ fòɛ ɛ̈ kɔn kɛn u peeěe nyno wǎn kɛn plě klee kpni kukwǐi noǎ tìi mǎǒo bo ï wǒ lii je. Ě tbɛ a saěn wòje ke Ě nuaa de, nyopò taeǒ ni imoo noǎǒ u slě Nyesoaa win kwa konkɔn bobo nema mu.

Ně bǐì Tentǎn Jǔu wǎn ane, Nyesoa dala ale a mǐa dbǐ mǒ wan, kɛɛ baǎ ni kpni kukwǐ a jlɛ̌ɛ keǒ tà a wanʼa dbǐ mǒ tè. Ba nonoɛɛ měne a miǒ mɔ̀le momǎe ne.

Dɛà tùonyugbee kpni kukwǐ kmɔ̌ǒ neě ɔɔ mǒ ɛ poo ble ɛ wɛ̀n Ngmà Je Ne Sùsuu dɛ Ɛ jlɛ̌ɛ je, è dɛǒ Ngmà Je Ne Sùsu jlɛ̌ɛ ɛ wɛ̀n dɛǒ tùonyugbee kmɔ̌ jlɛ̌ɛ je. Ii sɔ̌n wùɛǒ i tetbɛɛě le kɛn, nɛ̀ ni ɛ kàan dɛà a jlɛ̌ ba nuu aǎ nu ɛ.

Nyesoaa teteǎ wùɛ i beǒ tàa do klě tetěe do wlòmo ɛ̈ dɛ̌ bòo ɛ̈ moo, “Ke kɔn doǒ nù nèe chɛ̀ mǒ noɛɛa, kě bò nu nyopò tùu mǒ noɛɛa.” (Lev 19.18)

Bäǎ boɛ win fòe le klee bäǎ pepee jlo měne plě bäǎ ninii chea mɔ̀le.

Tentǎn Jǔ nu ämo ä wan dbǐ mǒ kpǎkpǎ klě Nyesoaa teteǎ bobo. Tèǒ nì kɔn tè a nyna bo kpankpa keà dbǐ mǒ wan nyo, aǎ sonwɛǒ aa chɛ̀ mɔ̀ mǒ uǔ kpɛě a kèi dɛ mǒ de.