Popular Bible Verses from 1 Kwnɛtiɛ̌ 2

Share

Tɔ̀nʼà nɛ̀ kɔn tè ä boɛ wòje ke ɛ nuu chleěa klě Nyesoaa win wlòmo ɛ̈ moo, “Noǎà Nyesoa wɔ̀ɔ mɔ̀ keǒ nyopòà noɛɛ Ɔɔ mǒ mɔ̀, jleě sěɛlǎ i jě plě nɔkǔ sěɛlǎ i wɛ̌n plě dlǒ le sìɛnsiɛn sěɛlǎ i kwlǎ mǒ sɛ̀.” (Is 64.4)

Nyuà Nyesoaa Sùsu slěe ja ne ɔɔ̌ po noǎǒ Sùsuǒ Ɛ tee lee ii tè kàan tè. I moo plɔɔ kokǒ noǎ keǒ ɔ mɔ̀ plě ɔ slě wɔ̀ bɔ jbo i le. Mɛ̌oǒ joo nɛ̀ moo nyu kɔn bɔ blě Nyesoaa Sùsu plě ɔ miě ɛ wɔ̀ keǒ bɔ jbo i le.

Nyesoa po Ɔɔ tɔ̀nʼà pepě mǒ keǒ ä mɔ̀ klě Ɔɔ Ngmà Je Ne Sùsu mǒ. Sùsu Nɛ̀ chechlɛ̌ ɛ̈ sɛ̀ noǎ wùɛ tà měne, jà Nyesoaa je wɛ̌ noǎa fòee chɛ̀.

Nyesoa se ä sùsu nye ɛ̈ kɔn nɔɔ kmɔ̌ɔ wlòmo, kɛɛ Ɔ nye ä Sùsuà Ɛ̈ sɔnʼě Ɔɔ chɛ̀ mɔ̀ mǒ. Dɛǒ nɛ̀ nu ɛ ä ji Sùsuu kàan nyee noǎ ï neɔ ämoo slè ï Nyesoa nye ämoo.

Klě ně Nyesoaa win boɔboɔ klee ii teea wlòmo, ně boɔa li klě de jijiɛ wlòmo klee klě chɛtlǐia wlòmo, kɛɛ ɛ mooa Ngmà Je Ne Sùsu kpě nì teea a kàan dɛǒ. Ii tè aa tè wlò popoɛ se tùonyugbee tɔ̀n kɛn tee le, kɛɛ ɛ moo Nyesoaa kpě.