Popular Bible Verses from Wóɖómà 14

Share

Sepóɛɖé Gèɖèpɔ́ɔ̀ kã́á-ɓòɖòɔ̀ se ɖɛ-ɖi-ɖi kè ná-ná, kɛɛ ɔ mɔ̀ dyí-sɛ́ɖɛ́ìn-ɖɛ̀ nyu-nyu kè gìɖìǐ ɔ kè múà ɖé Zùù Hwɛ̀ǐn-hwɛ̀ǐnɔ̀ mú. Nyɔ mɔ̀ nyɔ ɓɛ́ ɔ nyu kà Kɛ́ɖɛ́ì bìì kũ̀à kɛɛ, ɔ dè Gèɖèpɔ́ɔ̀ hwòɖǒ dyi, ké nyɔǔn muɛ cɛ̃ìn, ɓɛ́ wa ké níiń, “Ɔ nɔ̀mɔ̀ dyíin.”

Ɔ jǔ ké à dyi cĩ́ín, à cĩ́ ɓó Bounɓoɔ̀ bìì. Ɔ jǔ ké à dyi mɛ́ín, à mɛ́ ɓó Bounɓoɔ̀ bìì. Ɔ jèɛɛ, kɛbì à mɛ cĩ́ mɔɔ à mɛ mɛ́ɛ, Bounɓoɔ̀ kɔ̃̀ à.

Ɖɛa jè ɓěà mɛ sí ɖɛ ɓě dyà gìɖìǐ kè ɖɛ ɓě nyu ké à kuìn kùìn dyiɛɛ kíɖíí.

Ɔ jèɛɛ, ɓěà ní ɖá ɓɛ́ ɓěà ké zaa dúún wáɖáìn wàɖàìn ɖe, kɛɛ ɖɛ ɓěà mɛ po gbɔɛɛ kɛ̀. Ɔ mɔ̀, ɓɛ́ ɓěà ké se ɖɛ ké nyu ɓɛ́ ɓěà ɖíí-gààɔ̀ ké gbǒ, mɔɔ ɓɛ́ ɓěà ké ɖɛ ké nyu ɓɛ́ ɔ ké ɓuɖuɛɛ ɔ hwìèɔ̀ dyí po.

Sepóɛɖé Gèɖèpɔ́ɔ̀-cèè-ɖɛ̀ɔ̀ ɖá, “Bounɓoɔ̀ ɖá, ‘Ḿ gboò ḿ mìɔùn dyí kà kɔ́-dù séín mu hwuɖu taɓaùn ɓó ḿ dyúa, ɓɛ́ nyɔ séín ké mɔ̄ mɔ̀à Gèɖèpɔ́ɔ̀ kɛɛ ɓàìn nyɛ.’ ” Ɔ jèɛɛ, à séín mu à mìɔùn jè kɔ̃in zaìn ɓó Gèɖèpɔ́ɔ̀ dyúa.

Nyɔ ɖò séè dyi ku ɖé ɔ hwìɖǐǐ-taɓa-taɓa mú ke ní, nìí, ɓě mɛ kpɔ̃ ɔ jè dyi, kɛɛ ɔ se ɖɛ ɓɛ́ ɓě kèɔ̀ kè ké ɔ nììn fɔ̀nɔ̀-hwòɖǒ dòǐn zà kɛ.

Nyɛ́ m̀ jǔ, ɓɛ́ m̀ ké nyɔ ɖò nììn gbo-nì-nyɔ̀ zaa dúún wáɖáá? Ɔ dyi dyi nyànà mɔɔ ɔ dyi ɓuɖuín, ɔ mɔ̀ ɔ mìɔùn nììn Wuɖuí-kɔ̃̀-nyɔ̀ɔ̀ kpé. Ké ɔ mu dyi nyànàùn, sepóɛɖé ɔ Wuɖuí-kɔ̃̀-nyɔ̀ɔ̀ ɓéɖé kpé, ɓɛ́ ɔ ké ɔ dyi nyànàìn.