Popular Bible Verses from Wɛ́ɖɛ́ 23

Share

Kɛbì ḿ mɛ nà ɖé gĩɔ tíe-kpòɛ̀ bɔɔ̀ múɛɛ, ḿ se fã̀à ɖò peɖeɛ́ mu, sepóɛɖé Bounɓo, m̀ nì ɓó ḿ gbo. Nì ɓáɖáá-dyí-gmɔ̀ìn-ɓà-cùɔ̀ kè nì kùì-kpàɔ̀, wa mɔ̀ ḿ dyí-gmɔ̀ìn-ɖɛ̀.

Bounɓoɔ̀ mɔ̀ ḿ dyí-gmɔ̀-nyɔ̀ kà ɓáɖáá-dyí-gmɔ̀-nyɔ̀ gmɔ̀à ɓáɖáá dyíɛ. Ɔ jèɛɛ, ḿ se ɖɛ ɖò kpéɖéɛ mu.

Jǎà jɛ́ɛ́, nì kpeɖeɛ̀-dyíin-nɔ̀mɔ̀-nɔ̀mɔ̀ɔ̀ kè nì ɖɛ̀ɓɛ̀ǐn-ɖɛ̀ɓɛ̀ǐn se-sèìn-naín-kɔ̃̀ɔ̀ mu ɓó ḿ gbo nììn ɖé ní fɛ̀ɛ̀-wè séín mú. Ké ní mu ɖé nì gbǒɔ̀ mú cĩ́ìn kánáá pū.

Ɔ kpa ḿ, ɓɛ́ ḿ ké dyi pɛ̃́ ɖé pìǐ ɓɛ̀ɖɛ̀ɛ̀-ɓɛ̀ɖɛ̀ɛ̀ gbǎ ɓěɔ̀ mú. Ɔ kpa ḿ ɓó zii-nì pɛ̀ɛ̀ ɓěɔ̀ gbìǐ. Ɔ po ní zùùɔ̀ kpéí ɖe. Ɔ kpàìn ḿ ɖé hwìè sɛ́ɖɛ́ìn dyíɛɛ xwíníín, ɓó ɔ nyɛ́nɛ́ɔ̀ jè.