“Dyéɛ, ḿ ɖǎ Ɖíìváà-nyɔ̀ ɓěɔ̀ gã, ké ḿ ɖǎ wa ɖé Éézùɖùɛ̀-dyù ɓěɔ̀ hwìɛ̀ zà. Wa ɖǎ Éézùɖùɛ̀-dyù ɓěɔ̀ nyíɔ́-dyù séín ɓěɔ̀ pá dyí ɖú. Ɖíìváà-nyɔ̀ ɓěɔ̀ mɔ̀ ní kɔ̃̀ɔ̀-ɖɛ̀, sepóɛɖé nyíɔ́-dyù séín ɓěɔ̀ mɔ̀ ma ní kɔ̃̀ɔ̀-ɖɛ̀ kĩ́ín. Wé kɔ̃̀ ɓaɖa ɓɛ́ ḿ ɖáɓá zɔ̃̌ɔ̀ kà nyíɔ́-dyù séín ɓěɔ̀ ɖé Íjè-ɓòɖòɔ̀ kɔ̃ɛɛ, ḿ po ma nyíɔ́-dyù séín nì ɖé Éézùɖùɛ̀-dyù ɓěɔ̀ hwìɛ̀ kɛɛ wáká ɓó ḿ bìì, kɛbì ɔ mɛ mɔ̀ nyɔǔn-dyù mɔɔ nyúà-ɖɛ̀ kɛ. Ɖíìváà-nyɔ̀ ɓěɔ̀ mɔ̀ ní kɔ̃̀ɔ̀-ɖɛ̀ ɓó kàǔn. Mɔ̄ mɔ̀ Bounɓoɔ̀.”