Popular Bible Verses from Máfíò 3

Share

Ɓě mɛ nyu ɖɛ ɓě ɓɛ́ wa muɛ nyɔǔn dyí tɛ̀mɛ̀ìn kà ɓɛ́ ɓě ɖǎ ɓěɛ̀ nàmàǔn-kpèɖèɔ̀ dyi táà kɛ.

Púɛɛ, wuɖu ɖò sɔ̀ìn ma ɖé dyɔún, ké wuɖuɔ̀ ɖá, “Nyɔ nìà kɛ mɔ̀ ní hwòɖǒ-kɔ̃-dè-dyùɔ̀. Ní hwòɖǒ dèìn ɔ múin.”

Ti ɓɛ́ Jízɛ̀ kpá ma níɔ nyɛ̀nɛ̀ɛ̀ kɛɛ, ɔ sɔ̀ ma níɔ̀ gbo. Wàɖà cá kɛɛ, dyɔɔ̀ kaà ma wɔ̃, ké ɔ dyé ma Gèɖèpɔ́ɔ̀ Zùùɔ̀ ɓíɖíi dyiɛ kà gbúɛ́ nìà kɛ. Ké Zùùɔ̀ dyi ma ɔ kɔ̃.

Ḿ po ɓě níɔ, ɓɛ́ ɔ kéɛ nyɔǔn dyí tɛ̀mɛ̀ìn kà ɓɛ́ ɓě ɖǎ ɓěɛ̀ nàmàǔn-kpèɖèɔ̀ dyi táà kɛ. Kɛɛ nyɔ mɔ̀ nyɔ ɓɛ́ ɔ muà ɓó ḿ ɖeín dyí kɔùn wɛ̃ɛ, ɔ kpé ɓúá dyí ké ɔ zi níǐn kpéɔ̀ dyí. Ḿ se ɖɛ kpa ɓɛ́ ḿ ké ɔ bìì ɔ bǎ ɓéɖé dyɛ mɔ̀ùn. Ɔ mu ɓě níɔ poùn ɖé Zùù Hwɛ̀ǐn-hwɛ̀ǐnɔ̀ ɔ kè nyɛ mú.

Gèɖèpɔ́ɔ̀ ɖǎ jùɛ̀ɔ̀ ti dyéìn, ɓɛ́ ɔ ké cu ɓěɔ̀ ɖéé ɖé waà gmɛ̀nɛ̀ɛ̀ ɓěɔ̀ gbo ɖàɓàìn. Ɔ mu cu séín ɓě ɓɛ́ wa se ɓo nɔ̀mɔ̀ dyíin tòɖòɛɛ ɖaɓaùn, ké ɔ mu wa dyéɖé poùn.

Jɔ̃́ɔ́ mɔ̀ nyɔ kɔ̃̀ jè kpáá-ɖɛ̀-cɛ̃-nyɔ̀ Àzédyà cɛ̃ zɔ̃̌ɔ̀, ti ɓɛ́ ɔ cɛ̃ɛ zɔ̃̌ɔ̀, ké ɔ dyi ma kà níiń, “À wɔ̃́ nyɔ ɖòɛ̀ wuɖu ɖé gbǎùn-fúɖúáɔ̀ kɔ̃, ké nyɔɔ̀ ɖá, ‘Ɓě nyu hwìè ɖò ɓó Bounɓoɔ̀ bìì. Ɓě nyu hwìè sɛ́ɖɛ́ìn dyí ɖò ɓó ɔ bìì.’ ”