Popular Bible Verses from Máfíò 16

Share

Hwɛ̀ ké Jízɛ̀ cɛ̃ɛ ma ɔ ɖeín-nà-nyɔ̀ ɓěɔ̀ gbo, ké ɔ ɖá, “Nyɔ ɖò dyi mɔ́ ɓɛ́ ḿ kè ɔ ké mú naìn ní, nìí, ɔ mɛ táà ɔ hwòɖǒɛ̀-mɔ́ɔ́-ɖɛ̀ dyi, ké ɔ mɛ ɖú ɔ kɔ́ɖɔ́sìɔ̀ dyí, ɓɛ́ ɔ ké ḿ kíɖíí sí.

Ɔ jèɛɛ, ḿ cɛ̃ɛ m̀ gbo, mɔ̀ Píɖɛ̀ nìà kɛɛ, nì nyɛ́nɛ́ɔ̀ xwíníín mɔ̀ sɔ́ɔ́-kpò. Ké sɔ́ɔ́-kpòɔ̀ kɔ̃, ɓóɛ̀ ní mu ní cɔ́cìɔ̀ poùn, ké gĩɔ se ɔ toún ɖuɛ ɓɛ́ǐn mu.

Ní mu m̀ Gèɖèpɔ́ɔ̀ kã́á-ɓòɖò nìà ɖé dyɔún wɛ̃ɛ kaàìn-ɖɛ̀ ɓěɔ̀ nyíìn. Gèɖèpɔ́ɔ̀ nìà ɖé dyɔún wɛ̃ɛ mu ɖɛ séín m̀ wɔ̃́ìn gbo nɔ̄ ɓóɖó-kpàà kɔ̃ɛɛ gbo wɔ̃́ìn, ké ɔ mu ɖɛ séín m̀ po ɓɔ́í kɛɛ ɓɔ́í poùn ɖekè.”

Nyɔ mɔ̀ nyɔ ɓɛ́ ɔ kàmà ɔ fɛ̀ɛ̀ɔ̀ jè kɛɛ, ɔ fɛ̀ɛ̀ɔ̀ mu ɔ xwa sɔ̀ùn. Ké nyɔ mɔ̀ nyɔ ɓɛ́ ɔ fɛ̀ɛ̀ɔ̀ mu ɔ xwa sɔ̀ùn ɓó ní jèɛɛ, ɔ muɛ póìn.

Nyɔ ɖò dyi ɖɛ séín nì ɓóɖó-kpà gànáà kɔ̃ɛɛ kɔ̃̀, ké ɔ fɛ̀ɛ̀ jɛ́ɛ́ɔ̀ dyi ɔ xwa sɔ̀ ní, nìí, ɖɛ́ mɔ̀ kpáná ɖò ɔ muɛ kɔ̃ún dyéìn nyɛ́? Ɔ jǔ ké ɔ fɛ̀ɛ̀ jɛ́ɛ́ɔ̀ dyi ɔ xwa sɔ̀ ní, nìí, ɖɛ́ ɔ ɓɛ́ìn tòɛ̀ ɓɛ́ ɔ ké ɔ fɛ̀ɛ̀ jɛ́ɛ́ɔ̀ ɖe dyéɛ́?

Hwɛ̀ ké Jízɛ̀ diè ma wa mɔ̀ùn dyi, ké ɔ ɖá, “Ɓě mɔ̀ùn ɖá nyɛ́ ḿ jǔ kɛ́?” Ké Sã́ɓò Píɖɛ̀ zà ma ɖé wuɖu, ké ɔ ɖá, “M̀ mɔ̀ Kɛ́ɖɛ́ìɔ̀. M̀ mɔ̀ nì-nì Gèɖèpɔ́ɔ̀ dyú-gààɔ̀.”

Hwɛ̀ ké Jízɛ̀ cɛ̃ɛ ma, ké ɔ ɖá, “Sã́ɓò, mɔ̀ mɔ̀à Jónàà dyú-gààɔ̀ kɛɛ, mana nì m̀ kɔ̃, sepóɛɖé nyɔ ɖò se m̀ ɖɛ nìà kɛ gbo cɛ̃, kɛɛ ḿ Ɓǎ nìà ɖé dyɔún wɛ̃ɛ mɔ̀ nyɔ cɛ̃ɛ m̀ gbo.