Popular Bible Verses from Ɖìvéɖékɔ̀ 19

Share

Ɔ ní ɖá ɓɛ́ ɔ ké ɔ mǔèɔ̀ xwíníín dyi dèìn, mɔɔ ɔ ké ɖɛ gbà ɖòɛ̀ kpa zà. Kɛɛ ɔ mɛ ɖɛ̀ɓɛ̀ ɔ mǔèɔ̀ mú kà ɔ ɖɛ̀ɓɛ̀à ɔ mìɔùn múɛ. Ɓě mɛ ɓɔ́ ɖɛ ɓěɛ̀ nyuɛ, sepóɛɖé mɔ̄ mɔ̀ Bounɓoɔ̀.

Ti ɓɛ́ ɓě ɖò mu vĩ̌ɛń nììn ɓó xwɛ́ kpá ɔ gboɛ jèɛɛ, nyɔɔ̀ ní ɖá ɓɛ́ ɔ ké ɔ míɔ̀ wĩin cɛ̃, mɔɔ ɓɛ́ ɔ ké ɔ vɛ̃̌ɔ̀ kɔ̃in cɛ̃, mɔɔ ɓɛ́ ɔ ké ɔ mìɔùn ɖɛ ɖò dyi ɖaɓaìn, mɔɔ ɓɛ́ ɔ ké ɔ kpóɖó-dyùàɔ̀ dà ɖò dyíɖíí po. Ɓě mɛ ɓɔ́ ɖɛ ɓěɛ̀ nyuɛ, sepóɛɖé mɔ̄ mɔ̀ Bounɓoɔ̀.

“Cɛ̃ɛ Éézùɖùɛ̀-dyù séín ɓěɔ̀ gbo kà ḿ ɖá m̀ kè Éézùɖùɛ̀-dyù ɓěɔ̀ mɛ hwɛ̀ múɛ, sepóɛɖé mɔ̄ Bounɓo mɔ̀à ɓěɛ̀ Gèɖèpɔ́ɔ̀ kɛɛ, ḿ hwɛ̀ mú.

“Nyɔ ɖò ní ɖá ɓɛ́ ɔ ké ɔ mǔè ɖò xwíníín dyi dèìn. Ɔ jǔ ké ɔ mǔèɔ̀ dyi ɔ ɖɛ gbà ɖò bũ̌ nyu ní, nìí, ɔ mɛ cɛ̃ɛ ɔ gbo wáɖáá cá, ɔ kè ɔ ní kɔ̃̀ ɖà ɔ ɖɛ gbàɔ̀ kpa dyí ɖú.

“Nyɔ ɖò ní ɖá ɓɛ́ ɔ ké wɔún mu, mɔɔ ɔ ké gĩɔ-nyɔ̀ ɓě gbo wùɖù, sepóɛɖé ɖɛ ɓěɛ̀ muɛ nyuùn ɓɛ́ nyɔɔ̀ ké se mú hwɛ̀. Ɓě mɛ ɓɔ́ɔ náa nyuɛ, sepóɛɖé mɔ̄ mɔ̀ Bounɓo mɔ̀à ɓěɛ̀ Gèɖèpɔ́ɔ̀ kɛ̀.

Nyɔ ɖò ní ɖá ɓɛ́ ɔ ké ɔ mǔè ɖòɛ̀ nyɛ́nɛ́ gbà dyi ɓeìn dyììn ɖé nyɔɔ̀ ɖɛ se jǎà-ɖɛ̀ kɛɛ ɔ kɔ̃ún-cɛ̃-cɛ̃ mú. Ké ɔ ní ɖá ɓɛ́ ɔ ké ɖɛ muɛ nyuùn ɓɛ́ ɔ mǔè ɖòɛ̀ fɛ̀ɛ̀ ké nàdǐ mú nìɛɛ ɖò nyu. Ɓě mɛ ɓɔ́ ɖɛ ɓěɛ̀ nyuɛ, sepóɛɖé mɔ̄ mɔ̀ Bounɓoɔ̀.