Popular Bible Verses from Ɛ́séɖɔ̀ 8

Share

Nɛ́ɔ̀ nì ma dà séín. Kɛɛ ti ɓɛ́ zɛ̃̀ìn-ɖɛ̀-nyu-nyɔ̀ ɓěɔ̀ vɔ̃ ɓɛ́ wa ké ma nɛ́ zɛ̃̀ìn nyɛɛ, wa seɛ ma nyuɛ ɓɛ́ìn. Ké zɛ̃̀ìn-ɖɛ̀-nyu-nyɔ̀ ɓěɔ̀ cɛ̃ɛ ma Féwòɖò gbo, ké wa ɖá, “Gèɖèpɔ́ɔ̀ sɔ̃ nì ɖɛ nìà kɛ hwìɛ̀.” Kɛɛ Féwòɖòɛ̀ hwòɖǒ-dyùàɔ̀ kùmù ma ke kánáá pū, ké ɔ se ma Mózè kè Eɖóún wuɖuɔ̀ ɖùǔ gbo tòɛ̀ mɔ́ kà Bounɓoɔ̀ nyuɛ ma kà cɛ̃ɛ kɛ.

Sɔ̀ìn ɓóɛ gboɛɛ, Bounɓoɔ̀ cɛ̃ɛ ma Mózè gbo ɖe, ké ɔ ɖá, “Mu ɖé kã́áɔ̀ gbo, ɓɛ́ m̀ kéɛ ɔ gbo cɛ̃, ɓɛ́ m̀ ké níiń, ‘Bounɓoɔ̀ ɖá m̀ mɛ táà ɔ nyɔ ɓěɔ̀ dyi, ɓɛ́ wa ké mu, ɓɛ́ wa ké ɔ ɓiè.

Kɛɛ ti ɓɛ́ Féwòɖò dyéɛ ma kà kpɔ̀ɔ̀ ɓěɔ̀ jè ɖǎ ma dyi ziɛɛ, púɛɛ, ɔ kùmùìn ma ɔ hwòɖǒ-dyùàɔ̀ ɖe, ké ɔ se ma Mózè kè Eɖóún wuɖuɔ̀ ɖùǔ gbo tòɛ̀ mɔ́ kà Bounɓoɔ̀ nyuɛ ma kà cɛ̃ɛ kɛ.

Ɔ jǔ ké m̀ se wa dyi táà, ɓɛ́ wa ké mu ní, Bounɓoɔ̀ ɖá ɔ muɛ nyuùn ɓɛ́ kpɔ̀ɔ̀ ké nì ɓóɖóɔ̀ kɔ̃ dà séín dyi dyíìn, ɓɛ́ wa ké m̀ gǎ dyéìn.

Sɔ̀ìn ɓóɛ gboɛɛ, Bounɓoɔ̀ cɛ̃ɛ ma Mózè gbo, ké ɔ ɖá, “Cɛ̃ɛ Eɖóún gbo, ɓɛ́ ɔ ké sɔ̃ pɛ́ɛ̀, ɓɛ́ ɔ ké ɔ kùì-kpàɔ̀ ɓíɖíí nàmàìn, nìí púu-púu séín nì Íjè-ɓòɖòɔ̀ dà séín nyɛɛ mu nɛ́ mú zɛ̃̀ìn.”

Ké Bounɓoɔ̀ nyu ɖɛ ɔ cɛ̃ ma kà kɛ. Ɔ nyuɛ ké dɛ̃̌ kúɖúú púè ma ɖé Féwòɖòɛ̀ gbǒɔ̀ kè ɔ gɔ̌mànà-nyɔ̀ ɓěɔ̀ gbǒ séín ɓěɔ̀ múin. Ké dɛ̃̌-tòɔ̀ nyuɛ ké Íjè-ɓòɖò gànáɔ̀ nyìnììn ma dyíin.