Popular Bible Verses from Ɛ́séɖɔ̀ 23

Share

Ɓě mɛ ɓiè mɔ̄ Bounɓo mɔ̀à ɓěɛ̀ Gèɖèpɔ́ɔ̀ kɛ, nìí, ní manaɔ̀ mu ɓěɛ̀ ɖii-ɖɛ̀ ɓě kè ɓěɛ̀ ní ɓě kɔ̃ nììn, ké ní mu wɛ́ ɖé ɓě hwìɛ̀ zàùn. Ké xwíɖí se màa ɖò wɔ̃ sɔ̀ɔ̌ mu, mɔɔ ké ɖàà-màà ɖò se ɖé ɓěɛ̀ ɓóɖóɔ̀ kɔ̃ nìɛ̌ mu. Ní muɛ nyuùn ɓɛ́ ɓě ké nyɛ hwɛ̀ ɓɛ́ ɓě ké mɛ́.

“Gmɔ̀ nɔ̄, ní mu ínjà ɖò ɖé ɓě dyúa ɖoɓoùn, ɓɛ́ ɔ ké ɓě nàìn ɓó hwìèɔ̀ kɔ̃, ɓɛ́ ɔ ké ɓě pá ɓɛ́ ḿ ɖǎ ɓě bìì naɓaà kɛɛ mú nyìnììn.

Ɔ jǔ ké ɓě dyi ɖɛ séín ɔ cɛ̃ ɓě gboɛɛ ɖùǔ gbo tò nɔ̀mɔ̀ dyíin, ké ɓě dyiɛ nyu ní, nìí, ní mu nyɔ ɓě nyɛ́ ɓě mú, ké wa vɔ̃ ɓě gboɛɛ mɔ̀ùn mú nyɛ́ìn, ɓɛ́ ḿ ké wa gbo vɔ̃ ɖekè.

Ɓě ɖò ní ɖá ɓɛ́ ɓě ké vòò-nyɔ̀ hwìɛ̀ kpá, ɓɛ́ ɓě ké ɖɛ gbà nyu. Ɔ jǔ ké ɓě ɖò dyi ɖɛ ɖòɛ̀ zàse jǔ, ké ɓě dyi ɖɛ kɔ̃in zaǐn mu ɖé tɔ̀ɔ̀-ɓìɔ̀ ɓěɔ̀ dyúa ní, ɓě ní ɖá ɓɛ́ ɓě ké ɖɛ mɔ̀ dyí-sɛ́ɖɛ́ìn-ɖɛ̀ kɛɛ hwìǐ zàìn dyììn ɖé vòò-nyɔ̀ ɓěɔ̀ gbo-zi-zi mú. Ɓě ɖò ní ɖá ɓɛ́ ɓě ké gǎ-dyé-nyɔ̀ ɖò hwòɖǒǔn gbo zĩ̀ìn ɓó ɔ gǎ-dyé-nyɔ̀ jǔ jè ɖé zaa-wɔ̃-po-po mú.

“Ɓě ɖò ní ɖá ɓɛ́ ɓě ké ɓě mǔè ɖò se wĩin tɔ́mɔ́ìn. Ɓě ɖò ní ɖá ɓɛ́ ɓě ké ɖɛ-gbà-nyu-nyɔ̀ ɖò gbo zi dyììn ɖé ɔ bìì seɛ̀-zàse nyu-nyu mú.