Popular Bible Verses from Ɛ́séɖɔ̀ 12

Share

“Ɓó máaún-hwùɖù dyúáɖòɔ̀ múɛɛ, ní mu Íjè-ɓòɖò gànáà mú namaùn, ɓɛ́ ḿ ké nyíɔ́-dyù-gàà séín kè nyúà-ɖɛ̀ nyíɔ́-dyù séín ɖáɓá. Kǎà ní mu Íjè-nyɔ̀ ɓěɔ̀ nììn gèɖèpɔ́ɔ̀ séín ɓěɔ̀ toún ɖuɛ nyuùn. Mɔ̄ mɔ̀ Bounɓoɔ̀. Nyɔmɔɔ muà ɓó xwìɖì-tɛ̃́ín ɓěɔ̀ bũ̌ nììn nyɛɛ mu Éézùɖùɛ̀-dyù ɓěɔ̀ dyí-dyuòìn-ɖɛ̀ jǔùn ɓó waà gbǒ ɓě kɔ̃̀ mú wa muà nììn nyɛɛ bũ̌. Ké ḿ dyi nyɔmɔɔ̀ dyéín, ní mu wa kɔ̃in zĩ̀ìn. Ḿ se wa mú gbɔɔ̌ mu, ti ní mu Íjè-ɓòɖòɛ̀ sɔ̃ kɔ̃ poùn wɛ̃.

Wé nìà kɛ mɔ̀ wé Éézùɖùɛ̀-dyù ɓěɔ̀ ɓéɖé ɓɛ́ wa ké dyi kpɔ̃ɛ. Wa kè waà xwíníín-dyù ɓě mɛ kpɔ̃ wé nìà kɛ dyi kánáá pū. Ɔ mɛ mɔ̀ hwɔ-pa-wè ɓó mɔ̄ mɔ̀à Bounɓoɔ̀ kɛɛ bìì, ɓɛ́ ɔ ké wa ɖɛ ɓɛ́ ḿ ɖǎ wa bìì nyuɛɛ hwìɖǐi dyà.

Ɔ jǔ ké ɓěɛ̀ dyú ɓěɔ̀ dyi ɓě dyi diè, ké wa dyi níiń, ‘Ɖɛ́ kɔ̃̀ jè ɓě ɖáɓáà nyúà-ɖɛ̀ ɓěɛ̀ kɛ́?’ ní, nìí, ɓě mɛ cɛ̃ɛ wa gbo, ɓɛ́ ɓě ké níiń, ‘Ɔ mɔ̀ sáa-zàìn-ɖɛ̀ ɓá Kɔ̃in-Zĩ̀ìn-hwɔ̀ɔ̀ jè dyíɛ. À nyuɛ ɓɛ́ à ké Bounɓoɔ̀ dya dè, sepóɛɖé ɔ zĩ̀ìn ma à mɔ̀ Éézùɖùɛ̀-nyɔ̀ ɓěɛɛ kɔ̃in ɖé Íjè-ɓòɖòɔ̀ kɔ̃, ké à nyɔ ɖò se ma mɛ́, ti ɓɛ́ ɔ ɖáɓá ma Íjè-nyɔ̀ ɓěɔ̀ kɛ.’ ” Ti ɓɛ́ Mózè ɖǎ ma wuɖu jaɖaa, púɛɛ, Éézùɖùɛ̀-nyɔ̀ ɓěɔ̀ taɓa ma dú hwuɖu, ké wa ɓiè ma Gèɖèpɔ́ɔ̀.