Popular Bible Verses from Ìfísĩ̀ɔ̀ 5

Share

Kà ɓɛ́ ɓě mɔ̀à Gèɖèpɔ́ɔ̀ ɖɛ̀ɓɛ̀-dyù ɓěɛɛ, ɓě mɛ dyéìn ɔ nyuu-ɖɛ̀ ɓěɔ̀, ɓɛ́ ɓě ké ɖò nyu. Ɓě mɛ cĩ́ ɖé ɖɛ̀ɓɛ̀ǐn-ɖɛ̀ɓɛ̀ǐn mú, kà ɓɛ́ Kɛ́ɖɛ́ì ɖɛ̀ɓɛ̀à à mú, ké ɔ tòà ɔ mìɔùn ɓó à bììɛ. Ké ɔ fɛ̀ɛ̀ ɓɛ́ ɔ tò ma kà kɛɛ mɔ̀ ma sáa-zàìn-ɖɛ̀ nɔ̀mɔ̀ nyɔ́ún, ké ɔ dè Gèɖèpɔ́ɔ̀ hwìɖǐi.

Ɔ jèɛɛ, ɓě mɛ ma mú ɓó kà ɓě mu cĩ́ìn nyɛ. Ɓě ní ɖá ɓɛ́ ɓě ké cĩ́ kà nyɔ se hwòɖǒ fɔ̀nɔ̀ ɓěɔ̀ cĩ́à kɛ. Kɛɛ ɓě mɛ cĩ́ kà nyɔ fɔ̀nɔ̀ hwòɖǒ ɓěɔ̀ cĩ́à kɛ. Ɓě mɛ nyùìn ti ɓě ɓéɖéà kɛɛ kũ̀à mú nɔ̀mɔ̀ dyíin, sepóɛɖé wé ɓě nìà kɛ mɔ̀ wé nyìnììn dyíin ɓě.

Ɓěǐn ɖá ɓěɛ̀ dyéɖé ké wã́ìn dya nì, sepóɛɖé ɔ nyuɛ ké nyɔǔn cĩ́ fùɖùù-fùɖùù-kà. Kɛɛ Zùùɔ̀ mɛ dyíìn ɓě múin. Ɓě mɛ ɓeɖe wɛ́ɖɛ́ ɓě céèà ɖé dèè-wùɖù sùàɔ̀ múɛ kè ɓàìn-wɛ̀ɖɛ̀ ɓě ɔ kè Gèɖèpɔ́ɔ̀-wɛ̀ɖɛ̀ ɓě. Ɓě mɛ ɓèɖèìn Bounɓoɔ̀ gbo, ɓɛ́ ɓě ké ɔ ɓàìn ɖé ɓě hwòɖǒ bũ̌. Ɓě mɛ po Gèɖèpɔ́ɔ̀ mɔ̀à Ɓǎɔ̀ kɛɛ zùo ti séín ɓó ɖɛ séín jè, ɖé à Bounɓo Jízɛ̀ Kɛ́ɖɛ́ì nyɛ́nɛ́ɔ̀ mú.

Ɔ jèɛɛ, ɓěǐn ɖá ɓɛ́ ɓě ké zuɖu, kɛɛ ɓě mɛ vɔ̃ ɓɛ́ ɓě ké ɖɛ ɓɛ́ Bounɓoɔ̀ mɔ́ ɓɛ́ ɓě ké nyuɛɛ múin wɔ̃́.

Ɓě mɔ̀ nyɔ́nɔ́-ɓǎ ɓěɛɛ, ɓě mɛ ɖɛ̀ɓɛ̀ ɓěɛ̀ gmàà ɓěɔ̀ mú kà Kɛ́ɖɛ́ì ɖɛ̀ɓɛ̀à cɔ́cì-nyɔ̀ ɓěɔ̀ mú, ké ɔ tòà ɔ mìɔùn ɓó wa bììɛ.

Ɓě mɔ̀ùn nì ma tíe-kpò mú kĩ́ín, kɛɛ kà ɓɛ́ ɓě nìà Bounɓoɔ̀ mú kàǔn wɛ̃ɛ, ɓě nì ɖé ceɔ̀ mú. Ɔ jèɛɛ, ɓě mɛ cĩ́ kà nyɔ ɓě ɓéɖéà ceɔ̀ kɛɛ cĩ́à kɛ

Ɓě mɛ niìn nììn xwíɖíi, sepóɛɖé ɓě fɛ̃̀ìn Kɛ́ɖɛ́ì jè.

Ɓě mɔ̀ màa ɓěɛɛ, ɓě mɛ nì ɓěɛ̀ dyú-ɓǎ ɓě xwíɖíi, kà ɓɛ́ nyɔ ɓě nìà Bounɓoɔ̀ xwíɖíiɛ.

Kɛɛ ɔ ɓá ɓě dyí ɖekè. Gàa ɖò-ɖò séín mɛ ɖɛ̀ɓɛ̀ waà gmàà mú kà wa ɖɛ̀ɓɛ̀à wa mìɔùn múɛ, ké màa ɖò-ɖò séín mɛ dyé waà dyú-ɓǎ kpéín.

Gèɖèpɔ́ɔ̀-cèè-ɖɛ̀ɔ̀ ɖá, “Ɓó ɖɛa jèɛɛ, gàaɔ̀ mu ɔ ɖe kè ɔ ɓǎ dyi táàùn, ɓɛ́ ɔ kè ɔ gmààɔ̀ ké xwaún kpáìn, ɓɛ́ wa sɔ̃́ɔ̀ ké nyɔ dyúáɖò jǔ.”

Ɓěǐn ɖá ɓɛ́ ɓě ké tíe-kpòǔn-ɖɛ̀ se ɖɛ kpa ɓěɔ̀ ɖò nyu. Kɛɛ ɓě mɛ dyà wa ceɔ̀ dyí.