Popular Bible Verses from 2 Kɔ̀ɖéíntĩ̀ɔ̀ 5

Share

Ɔ jèɛɛ, nyɔ ɖò kè Kɛ́ɖɛ́ì dyi nyɔ dyúáɖò jǔǐn, nìí, Gèɖèpɔ́ɔ̀ ɖǎ ɔ nyu ɖe ɖie. Ɖɛ ɓě nì ma kĩ́ín nyɛɛ ɖǎ dyi zi. Ké dyéɛ, wa ɖǎ ɖɛ ɖìè jǔ.

Kɛ́ɖɛ́ì se ma nàmàǔn ɖò nyu fɔɔ, kɛɛ Gèɖèpɔ́ɔ̀ nyu ma ɔ nàmàǔn mú ɓó à jè, ɓɛ́ à mɔ̀ nyɔ ɓɛ́ à kè Kɛ́ɖɛ́ì mɔ̀à nyɔ dyúáɖò kɛɛ, à kè Gèɖèpɔ́ɔ̀ ké ɔ dyí-sɛ́ɖɛ́ìn-sɛ́ɖɛ́ìnɔ̀ mú peɖeìn.

À cĩ́ ɖé hwìɖǐǐ-taɓa-taɓa mú. À se cĩ́ ɓó ɖɛ ɓě ɓɛ́ à dyéɖé dyéɛɛ jè.

Gèɖèpɔ́ɔ̀ mɔ̀ nyɔ nyu ɖɛ séín ɓě nìà kɛ. Gèɖèpɔ́ɔ̀ ɖǎ bĩ̀ǎ nì ma ɓó à kè ɔ pṹa kɛɛ zà dyììn ɖé Kɛ́ɖɛ́ì mú. Ké ɔ ɖǎ à kũ̀à mɔ̀à bĩ̀ǎ-zà-zà jè cɛ̃-cɛ̃ kɛɛ nyí. Ɖɛ à cɛ̃à kɛɛ mɔ̀ Gèɖèpɔ́ɔ̀ nì ma bĩ̀ǎ ɓɛ́ ɔ nìà ɓó ɔ kè ɓóɖó-kpàà pṹa kɛɛ zàǔn dyììn ɖé Kɛ́ɖɛ́ì mú. Ɔ se ma waà ɖɛ gbà ɓěɔ̀ kpa wa dyí zàǐn nì ɖe, ké ɔ ɖǎ à wuɖu ɓá bĩ̀ǎ-zà-zàɔ̀ jè dyíɛɛ gbo sè, ɓɛ́ à kéɛ cɛ̃.

Ɔ jèɛɛ, à mɔ̀ Kɛ́ɖɛ́ì bɛ̃̌ǐn-nyɔ̀ ɓě, kà Gèɖèpɔ́ɔ̀ mìɔùn nìɔ̌ kà ɓě gbo wùɖùɛ̌n dyììn ɖé à múɛ. À ɓaà ɓě ɓó Kɛ́ɖɛ́ì jè, ɓě mɛ wɔ̃́ ɓɛ́ Gèɖèpɔ́ɔ̀ ké bĩ̀ǎ nìà ɓó ɓě kèɔ̀ kè pṹa kɛɛ zà.

Ɔ mɛ́ ma ɓó nyɔ séín bìì, ɓɛ́ nyɔ ɓě nìà cĩ́ɛń nyɛɛ ké se wa mìɔùn bìì cĩ́ ɖe, kɛɛ ɓɛ́ wa kéá cĩ́ ɓó nyɔ ɓɛ́ ɔ mɛ́ ma, ké Gèɖèpɔ́ɔ̀ zà ma kà ɔ gĩɔ ɓó wa jèɛɛ bìì. À ní poìn nyɔ ɖò jè hwìɖǐi kà ɓóɖó-kpàà nyɔ ɓě nyuà kɛɛ ɖe. À ɖǎ ma Kɛ́ɖɛ́ì jè hwìɖǐi poìn kĩ́ín kà ɓóɖó-kpàà nyɔ ɓě nyuà kɛɛ dyɛo, kɛɛ à ní nyuɛ náa ɖe.

Sepóɛɖé ɖɛ̀ɓɛ̀ǐn-ɖɛ̀ɓɛ̀ǐn ɓɛ́ Kɛ́ɖɛ́ì ɓéɖé à bììɛɛ kɔ̃̀ à wuɖuí. Sepóɛɖé à ɖǎa dyí dyuò kà nyɔ dyúáɖò mɛ́ ma ɓó nyɔ séín bììɛ. Ɔ jèɛɛ, ɔ kè nyɔ séín peɖeìn ɔ mɛ́-mɛ́ɔ̀ mú.