Popular Bible Verses from 1 Kɔ̀ɖéíntĩ̀ɔ̀ 14

Share

sepóɛɖé Gèɖèpɔ́ɔ̀ se wĩín-dyi-wùɖù Gèɖèpɔ́ɔ̀, kɛɛ ɔ mɔ̀ gìɖìǐ Gèɖèpɔ́ɔ̀. Kà ɓɛ́ ɔ nyuà nìɛ̀ ɖé Gèɖèpɔ́ɔ̀-nyɔ̀ ɓěɔ̀ dyí-poìn-poìn séín ɓěɔ̀ hwìɛ̀ kɛɛ, kǎà ɔ mɛ nyu ɓě hwìɛ̀ nìɛ̀.

Ɓě mɛ vɔ̃ ɓɛ́ ɓě ké ɖɛ̀ɓɛ̀ǐn-ɖɛ̀ɓɛ̀ǐn ɓéɖé, ké nyíí-ɖɛ̀ ɓě ɓɛ́ Zùùɔ̀ nyí nyɔǔn wɛ̃ɛ, wa jè mɛ kpɔ̃ ɓě hwòɖǒ. Ɔ nyɔ jɛ́ɛ́ kɔ̃̀ jè mɛ kpɔ̃ ɓě hwòɖǒɛɛ mɔ̀ ɖɛ ɓɛ́ Gèɖèpɔ́ɔ̀ dèìn ɓě wĩín nyɛɛ cɛ̃-cɛ̃.

Kɛɛ nyɔ mɔ̀ nyɔ ɓɛ́ ɔ cɛ̃ ɖɛ ɓɛ́ Gèɖèpɔ́ɔ̀ dèìn ɔ wĩín nyɛɛ, ɔ wùɖù nyɔǔn gbo. Ké ɔ wuɖu ɓěɔ̀ kùìn wa dyi, ké ɔ po wa kpéí, ké ɔ dè wa hwòɖǒ dyi.

Nyɔ mɔ̀ nyɔ ɓɛ́ ɔ wùɖùìn wuɖu kà kò ɖò múɛɛ, ɔ kùìn ɔ mìɔùn dyi, kɛɛ nyɔ mɔ̀ nyɔ ɓɛ́ ɔ cɛ̃ ɖɛ ɓɛ́ Gèɖèpɔ́ɔ̀ dèìn ɔ wĩín nyɛɛ, ɔ kùìn cɔ́cì-nyɔ̀ ɓěɔ̀ dyi.

Kǎà ɔ nì ɖé ɓě mìɔùn gbo. Ɓě nyu cɛ-cɛ ɓó nyíí-ɖɛ̀ ɓě ɓɛ́ Zùùɔ̀ tòà kɛɛ dyé jè. Ɔ jèɛɛ, ɓě mɛ vɔ̃ ɓɛ́ ɓě ké cɔ́cì-nyɔ̀ ɓěɔ̀ dyi kùɛ̌n zi.