Popular Bible Verses from 1 Kɔ̀ɖéíntĩ̀ɔ̀ 11

Share

Kà dyúáɖòɔ̀ kǎà, ti wa ɖǎ ma ɖɛ ɖiɛ hwɔɛɛ, ɔ ɖú ma kópòɔ̀ dyí, ké ɔ ɖá, “Kópò nìà kɛ mɔ̀ dèè-wùɖù ɖìè ɓɛ́ ní nyɔmɔɔ̀ nyuɛ ké ɔ ɖǎà ɖɛ kpa kɛ. Ti séín ɓě muɛ náùn wɛ̃ɛ, ɓě mɛ nyu ɖɛ nìà kɛ, ɓɛ́ ɔ ké ní jè ɓě hwìɖǐi dyà.” Sepóɛɖé ti séín ɓɛ́ ɓě mu bɛɖɛɛ̀ɔ̀ ɖiìn, ké ɓě mu ɖɛ nìà kópòɔ̀ múɛɛ náùn wɛ̃ɛ, nìí, ɓě mu Bounɓoɔ̀ mɛ́ jè cɛ̃ìn tee, ɓɛ́ ɔ ké dyi hwɛ̀.

Tɛ̀mɛ̀ìn-ɖɛ̀ ḿ zàìn ma ɓě xwáɖáún wɛ̃ɛ, ɔ mɔ̀ ɖɛ ɓɛ́ ḿ dyé ma sɔ̀ìn ɖé Bounɓoɔ̀ gboɛ. Ɔ mɔ̀, máaún-hwùɖù kɔ̃̀ mú ɓɛ́ wa zàìn ma kà Bounɓo Jízɛ̀ ɔ mú-nyɛ́-nyɔ̀ ɓěɔ̀ xwáɖáún wɛ̃ɛ, ɔ ɖú ma bɛɖɛɛ̀ dyí. Ké ti ɔ ɖǎ ma Gèɖèpɔ́ɔ̀ zùo poɛɛ, ɔ jaɖaìn ma kpói, ké ɔ ɖá, “Ɖɛ nìà kɛ mɔ̀ ní kpóɖó-dyùàɔ̀ ɓó ɓě bìì. Ɓě mɛ nyu ɖɛ nìà kɛ, ɓɛ́ ɔ ké ní jè ɓě hwìɖǐi dyà.”

Hwɛ̀ ɓɛ́ nyɔ ɖò ké bɛɖɛɛ̀ɔ̀ ɖò ɖiɛɛ, mɔɔ ɓɛ́ ɔ ké ɖɛ nìà kópòɔ̀ múɛɛ ɖò náa, ɔ mɛ gmɔìn ɔ mìɔùn múin. Nyɔ ɖò se kpóɖó-dyùàɔ̀ jè dyí dyuò, ké ɔ dyi ɖɛa ɖiín, mɔɔ ɔ dyi ɖɛa náín, nìí, ɔ ɖɛɔ̀ ɖi-ɖiɔ̀ kè ɔ ɖɛɔ̀ ná-náɔ̀ mu zaa-wɔ̃-po-po ɔ mìɔùn kɔ̃ dyàùn.

Ɔ jèɛɛ, nyɔ mu bɛɖɛɛ̀ɔ̀ ɖiìn, ké ɔ mu ɖɛ nìà Bounɓoɔ̀ kópòɔ̀ múɛɛ náùn pū kà nyɔ náà ní ɔ kè kà nyɔ ɖià ɖii-ɖɛ̀ kà kò ɖòɛɛ, nìí, zaa ɓá Bounɓoɔ̀ kpóɖó-dyùàɔ̀ kè ɔ nyɔmɔɔ̀ jè dyíɛɛ mu ɔ dúún nììn.

Ɓě mɛ dyéìn ḿ ɖé ɖɛ ɓěa mú kà ɓɛ́ mɔ́ún dyéàìn Kɛ́ɖɛ́ì mɔ̀ùn wɛ̃.