Popular Bible Verses from Sálmos 37

Share

Ajmarápusu Pangarádejnai uté ome ua, ga a uté chisíome bapotigádode cucha ome ua jne, uje báyipie jnátupúsu udore gu.

Ajíome bapesutique cucha quitígo iji Pangarádejnai uté jmainie. Angureta uté ome udore, ga a uté pésu ujetiga udore ore tocade jne ome ua.

O paráguiji Pangarádejnai uté iquei. Enga ca ajnátu cuchárique ome ua mu arodape uté yui. Jé ca jnani sijnai uté ipesudode cucha gotígo chijnime bãrírique ujetiga uté chise dáringárique ataque ome udore, ujetiga uté áyipie noñánguenie udire chise dáringanie tocachuguei.

Be ga acha banguretigai aja Pangarádejnai uté, enga jecucha apésu cucha arégode. Ácariji bayaridi jnupe iji erámi udé ome báringai ũré ga a tijode cho jnángome ua jne.

Pangarádejnai u uje chijñaque jnani ate arétique guípiedie aja ajesúode erámio gatuaque, enga chachietáji uté gosi jmapié uaté. Ujetiga uté cṍrarase, mu a jé ca catápisaja jnumi. Chamáñaje Pangarádejnai chisa gosi aja gaté gu, enga jmanai que chirame uté go.

A Pangarádejnai pésu ujetiga pijoque báringai ujñapetaque, bátegoningáne ore, ga ore gajnui tu dírecaringué cuchábi ome ua ga nanganata ua iji uté. Uje a uté pésu jne ga basoca uréone udore ore gajnui tu guedé uje déji gatócoro ga cho nánga, nánga, nánga iji uté.

Be ga jé ca opo júruru iji dore rĩ, ga ajíome sumájningai iji te jmete. Jé ca apésu báyipie ejóporinguérique, uje gusu pate gajnaréngone u uje tṍraji uté.

Jnacare yu nanique, mu e choquíjnape yu. Mu cáma yimo jnani urénique jetiga Pangarádejnai noñome jnani ũrei uté iji te jmete. Que yimo jnani ũrei uté atique rĩ ujetiga doi ga chutai pámatique iji dojórique ayoré.

Jé ca ajuéga ujetiga jnani ate gajnaréngone udore ore chijnime bãrírique. Jeoga jé ca aratáyime udore ore ome ore ipesudode cucha gajnarécho.