Popular Bible Verses from Sálmos 31

Share

Beyoi ga ca achietáyiñome uaque ome cuchárique yui, mu ajnusoi uágome cuchade, uaque jnese uje uacarodique Pangarádejnai uté yui ome uaque.

Yajnéone guedé batiga jnese jogadi tu bajmainie. Be ga ajnime yu iji yumajosórone ore jmainie, jé aja udore ore uje ore chajna yu aja quedéjnane.

¡Urénga! Cuchadatépise bosongaquédatéi, uje bosongaquei uté gajnúone u cucha orerane uje que pujuseque cucha orerane udore ome udore ore yui uje ore dosóñime ua, ga bajuguína cucha orerane udore aja banguretasórone ore jnese iji jnanione udore ore edominone. Basíomeone u udore ore uje ore cho dãrésõri iji ua.

Mu Pangarádejná, uyu u uje yangureta ua ome yu, ga yojningame ua: –Yangureni Dupa u ua.

Jé ua upúsu Yãretóraque Cucarané, jé aja pinama uaté uje chaparu yibai, jecute o yiquique gatuaque ga ajñaque yu aja quedéjnane ome bei ueradi uje bajnóra bei uté gu.

Yisíome yáyipie ome ua, ga jé u uje yijogadi tu bajmainie. Yiquetasṍri tu ua, Pangarádejná, cucha uréone gãrapi Dupa.

Pangarádejnai urása uréone uaque á, beyoi ga ajnóraño uté jnese. Uje uté que chuseque ayoré uréone udore ore gu, ga gãreque ore. Jé basa ga dicotárechoquíode ore ga Pangarádejnai uté a ujuyapise ore ujetiga cho ore isijnaringuéone oré jne.

Yicha yanguretigai aja ua ome yúringai pãreque, Pangarádejná. Jé ca ajuégapísa ujetiga pinguíraja dipoi aja yu gotique. Arame yu ome báringai ũré.