Popular Bible Verses from Sálmos 139

Share

Yicota ua ome bapesudode yacho uje cuchadatéo bapesudode udore ome yu. Bamaningone cucha udore ueradípiso ga obiréjnapisome yu.

Adójnangapísa yáyipie, Dupade á, ga acué yáyipie gajnarétigai iji yu. Etingare yu jeta jé ũrepise yu, ujeta uerate yáyipie quigode ome bajéode. Ajmitápise yu jeta araja yiyoguérique iji yu, ga ajñaque yu aja dajeque togójmai uté.

Ua u uje bapesute yajei jogonórone cucha udore jnese. Uje qué yugúsiji ité ajei, mu jé bamanique yadode jnese iji ité ajei.

Bapáñaji yu uje qué pujningaqué yu. Ga e purusãracho yadode, yajnéone dire udore jnese iji begode darujna ao uje cáma udore uñeque tocade ome yu mu.

¡Pangarádejná, badójnangapísa yu, ga e barajapise yu!

¿Jé yicárasiji rique jeta yayome bajopiédaté? ¿Ja jogatique déji a ujetiga ca agúsiji to, ujetiga yicárasiji uté?

Barajapo yisocade rĩ; jeoga yácare, jeoga yiyague. Idája ua iji yu, mu jé baraja yáyipie gaidode cucha jnese.

Urénga, uje cáma yuruode tocade iji yibijnani, mu e baraja, Pangarádejná.

Barajapo yiriguítigade jnese jé aja uje yiterẽtáji yiyaridi rĩ. Érãtique amoque yijmapiéraque.