Popular Bible Verses from Sálmos 119

Share

Baruode gajnui u pioque papótique ome yirídade ga chijñate yirípiedie gai.

Yujuse baruode guio iji yáyipie, uje yigaidi u gu jeta jé ca yipésu cucha gajnarétique ome ua.

¿Ama jnacánique isocáringome re jeta uerate uté isocárique iji dacuecaringuei? Adi jé urásu jeta gosi isocade jé cunguésõri baruode quigode udore, Dupade á.

Pininaquei gajnengórone u udore ore uje ore susípise uté pijogúsorone daru quigode guio, ga ore chejna dáyipiedie aja uté úringárique pucueque.

Ua u uje jecucha yacose yu iji barosadi, ga yicha ua aja yiquéode gatuaque. Yangurenone u baruode udore yui ome yu.

Asíome pirajatigade ome yu jeta yujuse baru pirosobádode guio, ga a yejna yáyipie aja udore quigode jnese jne jeta yi quigode.

Orei yáyipie iji bapijogúsorone barúo udore yui, mu ca yáyipie jogadípise yamatatígo cucha uáso.

Jé uerate ome yu uje yejnáreque cuchade isagode; u gu jeta yiraja báyipie parénguenie udire quigode gu udore.

Cuchade udore uje na yu aja jnumi marínga, yáyipie jogadípise baru qui casodica ga udore u uje chisíome yúringai ayoré pujnu ome yu rĩ.

Opísape baroquéode udore gabi quigome yu, uje yajmaránone u udore quigode gu.

Acate yu ome báyipie parénguenie quigode, Pangarádejná; ga yi udire quigode jeta yimánaja jnumi.

Yáyuguhebátigade na yáyipie aja jnumi; be ga asíome petotiguei ome yu ome baruode udore.

¡Urénga! Yijnorapise báyipie pirosobádedie udire. Ga yáyipie jogadípise udire iji deréjnai údode.