Popular Bible Verses from Provérbios 22

Share

Opise batique quique ga a chise dáringárique jnani jne enga a doi bojningane cucha jnese jne.

Ujetiga gosi tangaripísi Pangarádejnai enga gosi cho paraque gatuaque, enga gajnéone cucha gadiógome uje Dupade chisi ome bisideque: ujetiga gosi chise dagúcha uátique, jé aja dáringárique picotaque, jé aja pucuecaringué eyúgojmai.

Ujetiga bojode ayoréo ore chudute bajnomei uje ayoré paraque ua enga udore suépise ujetiga ore chudute bajnomei uje ayoré ugúcharã́que ua, jeoga bajuyápise iji órodie, plátadie udire. Jecute bacuei turásu báringárique ayoré ate omipise.

Jé ca o bajõrai iji ayoré júrurubétique, jé aja ayoré sijnátique.

A Dupade chatapísaja ayoré osongacade jne uje jecucha ore chisi dojode ayoré iji dagúchade uje jmataque ore ome cuchade gu.

Áyipierãi chimo darosobátique cucha iji daquei ga chicai ti yui tome uté. Jé basa ga ayoré táyipiei chimo darosobátique cucha iji daquei to mu qué chicáji ga gaidi tu dagachodi tiji uté gu. Uje uté gosi e déji darosobádi jmainie ga quene chetágui jóroque.

Ujetiga ugúcharã́tique chojmára iji ayoré jmatágode udore ore ujade ga ore cho deduguéjna iji gu uje sué ore gai ome dagúchade. Jé chopome ayoréode uñai to rĩ uje ujode ayoré ore chijna dajnose carubode iji uté iplátadie, ga jé ore cho deduguéjna iji uté to.

Ayoré jmatágode, jé aja ayoré ugucharane, jé ore cho ñane iji jnumi uje Pangarádejnai Dupade jé ipesute ore jnese gu, enga jé ore imanisṍri tu uté jnese.

Be ga jé ca ajuseque ayoré jmatátique uje jmataque ga gajnei tu dáringai posõraque ome ua. Ca o cucha pibotajmáji uté gu úringai ayoré jmatac. Enga ca aguhéta cuchárique ayoré jmatátique gánique bisideque iji eduguéjnarique iquei uje que ayorérique narare uté gai. Jé soca Pangarádejnai narare uté gai jne enga cho dajuñame ua jne gu uje bo cucha pibotajmáji uté.