Popular Bible Verses from Provérbios 21

Share

Ujetiga gosi ucuegode u pate arégode ome re, puru uréone ore ome re to, ga a uté gosi urasade ore chicotame adode udore jne, enga a pitijínaquéi jogadípise uté gosi jne.

Uje que gosi jĩraque pésu cuchárique ga chucué pisocame bajaque ga gaidi tu jeta pésu ga uerate ipesudi quigode ome uté gosi. Jé basa ga ujeta gosi jĩraque pésu cuchárique ga ipesudi tuté cucha que ujñapeque gu uje que chucué dasocáringome bajaque.

Ujetiga uté gosi chirajapise jeta chañuru daruode guio gatuaque, a ca gosi pésu pujuréraque ome re jne.

Jnanione ore ipesudode cucha cho jetiga ueracho ome ore ajéode gatuaque. Mu gusu Pangarádejnai Dupade uje chirajapise dasocade ome pisocade udore, jeoga gajnarécho, jeoga ueracho. Gusu Pangarádejnai Dupade uté gu uje chiraja ayoré chojmarai áyipiedie quigode gu.

Ayoré jõcaratade dimane ore iji dorutode burica gáyode jeta ore doi dajocaningárique. Ga ore chojninga: "Yicoi ore ga yujnuéngo ore gai jne." Mu que toc jetiga ore chiraja eti ore sué ore gai. Chamáñaje gusu Pangarádejnai Dupade uje pésu ga uñéngo u ujeta ore sué udore ore gai.

Be, ga ũrepise ua ome bojningáringo cucha jnese. Be, ga ca acho apésu cucha arégode gatuaque. Chamáñaje Pangarádejnai chojninga: "Pisocade udore u uje sué yajnéone ayoréode ore guẽrapáicho cucha gáyode jnese."

Dupade anguresórojmáne ayoré, ore uñane chicota raque enga chiese ore chirajapise dáyipie quigode, ga chiese áyuquetotinguerã́que ore ome dojode ayoré, mu cucha bisideque ore icotaquéode ome raque ome Pangarádejnai, uje que ore ujñapeque.

Ujetiga ca gosi chuse ayoré jmatátique guio ga que chisi ome ipotigátique cucha ome. A chise dínique to jne jetiga gosi jmáta to ga a ca pajirique uté gosi yúrique to jne.