Popular Bible Verses from Génesis 46

Share

Enga Dupade catecã́ri Jacob enga chojningame: –Bayé angureni Dupa uyu uje yicatecã́ri ua iji de. Enga ca atodo jetiga acáji Egípto. Enga a bape disi ejode quérãpísiji Egípto jne enga jiépisi ore iji jne.

A yijína ua aja Egípto jne. Mu a chise dínique jne jetiga yijnime bape disi ejórigo ore iji egíptogosode jmainie. Mu a atoji uté mu bajnacari José a déji bejoi iji uté ujetiga e atopísi.

Ga José chudute ore ujnomei uje e idógosi ore iji ore unire uñai enga chiroque darógode ore aja guebéquedatéi ujetiga José choru uñeque ga jé chachai dayé ore. Enga chise ore enga jé u uje doi jnumi iji doruti guebéquedatéi enga chachẽre dayé ga chisa pajei taja re, enga chujé raja dayé naránucadói enga popise.

Mu iyajmac uje José, dayé Israel ore chisa ñane pajéode aja ñane ga jé Israel narare enga chojninga: –Yababi á, e yimópise ua ome yedodie to uje qué baquecapise. Enga a e yitorási mu jé arégome yu uje e íjnoque yujnusiétigai uje yimongopise ñane gu.