Popular Bible Verses from Éxodo 9

Share

Qué yicha uágaja diri diríca gu jeta arajáyo yúringai ujopíerãque cuchape uje qué uacagúsoi erámi tudé. Yigaidi upome uaque rĩ jeta uacojode ayoré chudute uacajnomei iji danirone to iji erámi údode jnese uje Dupa Eyúgojmai uyu u uje yujuyagaite uáguiji uaquedai tudé ome uacajosipiedie.

Dire uñai ga Dupade chojningápome Moisés gaté rĩ: –Bo ga jé ajmitape Faraón uté gaté ga angopísa yuru quigode udojo aja uté jne. Ga ojningame jne: 'Pangarádejnai, uje hebréogosode yocangureni Dupa u uté, chósi tome ua que: Jé ca ãraque doi ome yurasapísode Israel ujnacare disi ejo ore ga ore jno ga ore catecã́ri yu iji uté jne.'

Moisés chojningame Faraón ore: –Dupade uruode uñéngo qué déji uje chojningame uaque ga chósi tome uaque: 'A yajéraso diríca ga yujuyaqué casodé e chequésãriráse uaque diríca mu yigaidi u ujetiga jé amóño yujuyaquéode uñéngo ome uaque uje qué déji uacaquéode.

Ojningápome Faraón gaté rĩ: 'A jé ca ajuéga doi ome yoque gajneri jne enga Pangarádejnai Dupade a chijna cutejmai detotiguejna, dajopiéjna ome uacachidode aquirájna gajneri uje udire déji garáyode iji baniri udé údode. Ga a chisi ome dequejnareque cuchátigo ome aquirájnanie udire jne ga chácariji údode. Mu a jé ca gusu aquirájnanie gotique ome jne, mu jé aja uacachite cuchiso uñane ore jnese: buricade jnese, burica quedéjnane jnese, caméllode jnese, jé aja áyasadie ore jnese rĩ. Mu Pangarádejnai chiraja yocurasade gachidedie iji egíptogosode uacachidedie ujade ga a jé ca cho dajuñame yocachidedie to jne iji egíptogosode uacachidedie ujade. Ga yurasade ore gachidéraque a ca uñátaque chejnárengosi re to jne ga jé ca uñáraque topoi jne rĩ.'

Jecute a guedé batigai udé jé upúsu dirome jeta yiramurase ébedatérigui uacabai iji uacaniri udé údode jnese. Ga a udire suépise egíptogosode uacamonie ébei gáyode jne. Ga que uacáquirigo jnani bajaque que ore chimo udaji to nanique.' Dupade chojningápome uaque rĩ: 'Jetiga dire dirome ga ajuso uacachidérigui guio iji cuchárique útigo to jne uje ebe cuchábedie udire a chujé uacachidedie jeta déji garáyode, jé aja jnanione jeta jé ca ore chácariji guiguíjna ajénique.'

Dupade catecãrápoi Moisés, Aarón ore rĩ ga chojningame ore: –Moisés á, aro puchucurui jne uje déji pipotatique ajénique ga oréji Faraón ga asidája quedéjnane iji uté iquei. Ga a chicáji ore idai údode jnese jne ga a basája jnanione ga nóña enga pugóroi iji ore gáyode jnese, jé aja ore gachidode cuchiso ore gáyode jnese rĩ. Ga jé chuságaja puniri Egípto údode jnese.– Moisés, Aarón ore charo puchucurui uté ga ore chijna daroi ga ore chicáji Faraón yui. Ga jé u uje Moisés tṍra daroi puchucuru aja gaté ga basája ore gáyode ga jĩraque nóña ga jĩraque pugóroi iji ore gáyode, jé aja ore gachidode cuchiso ore gáyode rĩ.