Uje Faraón irógode jnani ujopíerãque ore chujé jóroque jnumi ome doguedie to jeta úyujna nóña ga jnáño to mu que cuchárique tṍraji ore oguedie gotique. Ga egíptogosode ore chejnáreque re ome jnapiedie udire diríca uje yore ore gáyode, jé aja ore gachidode cuchiso ore gáyode to nanique. Faraón irógode udore jnani irajatácho quene ore chiraja uje Moisés que u gotique jeta pésu cuchade ome dajopiéraque, jecute ore chojningame eduguéjna cuchábi Faraón:
–Quene yirajágo uje cuchade udore garani jé u Dupade ujopíerãi uje que cuchárique tṍraji yocoguedie gotique to.–
Mu jé isoca uje Faraón cusu rome Moisés, enga que tangári darasade uru quigode, ga que juéga doi ome Israel ujnacare disi ejode ore. Enga jé chopise uje Pangarádejnai Dupade chingo ore ica gu.