Popular Bible Verses from IINDUMISO 103

Share

Moya wam, mbonge uNdikhoyo, ungaze uyilibale imisebenzi yakhe emihle nanini-nanini

uloxolela zonk' izono zam; ulophilisa zonk' izifo endinazo; ulohlangula ubomi bam enzonzobileni, andambese ngezibele nangenceba; ulondenzel' izintw' ezintle ebomini, ndihlale ndingumqaba-qaba njengokhozi.

Mbonge *uNdikhoyo, moya wam! Mandimbonge uNdikhoyo ngomxhelo wam wonke!

Bufana nomzali kubantwana ububele bukaNdikhoyo kwabamnik' imbeko.

ulogxoth' izono zithi qelele kuthi njengempumalanga nentshonalanga.

UNdikhoyo unenceba nesisa; uqumba kade, yimvuze-mvuze enobubele.

Akasohlwayi njengoko sifanelwe kukohlwaywa, engaziphindezeli ngokwezigqitho zethu. Kungangokuba kude kwesibhakabhaka emhlabeni ukubalasela kwezibele zakhe kwabamhlonelayo

UNdikhoyo ungqendev' esihlalweni sakhe ebhotw' ezulwini; ulawulo lwakhe luqhakamshela ihlabathi liphela.