Popular Bible Verses from Tuhˊ ri tuilˊ 7

Share

Hawcˊ awnˊ na, uiˊ keueˊ, nanggalˊ uiˊ naˊ a kueˊ peue cum heunˊ unˊ laee eucˊ mhinˊ ce. Ce ingˊ neum kuingˊ naˊ ku kuingˊ, neum peue ceu naˊ ku ceu, neum ceucat naˊ ku ceucat maeeˊ neum leukahˊ naˊ ku ceu. Ce cawng nanggalˊ ka tenceoˊ maeeˊ Konˊyungˊ naˊ. Ce cuipˊ hk'o dalˊ paing. Ce jangˊ kan lhaˊ ka hkeungˊ naˊ.

Ce klawng ri lahˊ sengˊ lawsˊ, “Hk'aˊ htut naˊ lih a neum Peucawoˊ eˊ Cawoˊ mokˊ pang tenceoˊ naˊ Eun maeeˊ neum Konˊyungˊ naˊ Eun.”

Kopti Konˊyungˊ utˊ nang ngonˊ ka tenceoˊ naˊ, kaw Eun meuh Cawoˊ goˊ ce. Eun kaw va ce heulˊ ri keutuiˊ leuumˊ civit imˊ naˊ. Peucawoˊ Eun kaw otˊ ri tec leuumˊ ngaiˊ lih neum ngaiˊ ce naˊ ku jam ka.”

Kop awnˊ na, ce utˊ nanggalˊ tenceoˊ Eun Peucawoˊ naˊ. Ce yeuh mhaiˊ Eun gawmˊ sumˊ gawmˊ seunyi hk'aˊnaee nya hk'oˊ munˊ Eun naˊ. Cawoˊ mokˊ pang tenceoˊ naˊ Eun kaw uˊpeung hk'aˊpang ce naˊ. Ce hkuinˊ kaw laee sumˊ somˊ baee, hkuinˊ kaw laee sumˊ nyui leuumˊ baee. Kucˊ reng naˊ maeeˊ haˊ ron naˊ ce hkuinˊ kaw laee pun ri hkamˊ a baee.

“Cu yam unˊ nang tawkˊ uiˊ taˊraˊ ri relˊ ce mhaiˊ Eun Peucawoˊ ye naˊ ce naˊ, paw nang yeuh kuˊ lulaic ri bhenˊ keuteˊ, mhaˊseumutˊ naˊ maeeˊ kleumˊ hkuˊ naˊ ce.” Hawcˊ koˊ, uiˊ pun ri mhawngˊ peue pun ri tawkˊ taˊraˊ naˊ kueˊ ce 144,000 peue. Ce ingˊ neum peue ceu Iˊsarelaˊ ku ceu naˊ ce