Popular Bible Verses from Mataayo 27

Share

Mu lisala lya gonja, uYeesu wákhosiise mandu ishawuti wáaja, “ Eli! Eli! Lama sabakhitani? ” Uluganulo lwakwe, “Nguluvi wangu! Nguluvi wangu! Kwashi wanilekha?”

Uluhaavi luulo, umwenda guna gukhandi gubagwile mbali sivili mu nanda ya Nguluvi, gwadeemukha paakhati kihuma kushaanya mbakha pansi, gwabagunkhana mbali sivili. UNguluvi wápinsaaga inyi yidegenshe, amapaama galandukha, amajooja gagubutukha, amavili minshi ga vabaagule va Nguluvi vina vakhandi vafwile, vafyukha.

Baheene uYeesu wákhoola khanji kwa shawuti nkhome, wáafwa.

Umuyimililaaji wa vasulukhali lumo na vala vina vakhandi vikimuyangalila uYeesu, vaganile kilwaga uludegenkho na ganji goona gina gawonekhaga, vatiilaga mandu, valogolaga vaajova, “Shiyooli umuunu uyu, akhandi Lusawo lwa Nguluvi!”

Kihuma ilisala ilya mutanda paminsi mbakha ilisala lya gonja, inshiisi yagubikhaga inyi yila yoona.

UPilaato wávaposa khanji wáaja, “Lino nimugahe shishi uYeesu yuna vikimutambula kiija, Mukulusaaji?” Avaanu woona valyova vaajova, “Umukhomeelele pa musalaaba!” UPilaato wávaposa khanji wáaja, “Umuunu uyu wáagaha luvi lushi?” Leelo aveene vashilile kilyova viijova, “Umukhomeelele!”