Popular Bible Verses from 1 Juan 5

Share

Jo̧kwaobetjö̧ chö̧ja̧wo̧dö, ökwödö Jesúsnö ösödadöma ba̧kwȩlö̧jatebö jo̧bakwö dö̧jakobetjö̧ Diosnö yebabökönö abebadösa. Jau, Diosnö yebabökönö abebadösa, Dios ösödi̧danö adebena ökwödönö a̧ja̧kwo̧, jö̧ba̧lö. Chö̧ja̧wo̧dö, isabenö jejenö döwaisa, Diosma jo̧banö adebi̧ a̧ja̧kwo̧, jö̧ba̧lö. Jau chö̧ja̧wo̧dö, döwaisa, Dios ösödi̧danö adebena ökwödönö pjabato̧, adebi̧ma baledobö.

Jo̧kwaobetjö̧ chö̧ja̧wo̧dö, ökwödö Jesúsnö ösödadöma ba̧kwȩlö̧jatebö jo̧bakwö dö̧jakobetjö̧ Diosnö yebabökönö abebadösa. Jau, Diosnö yebabökönö abebadösa, Dios ösödi̧danö adebena ökwödönö a̧ja̧kwo̧, jö̧ba̧lö. Chö̧ja̧wo̧dö, isabenö jejenö döwaisa, Diosma jo̧banö adebi̧ a̧ja̧kwo̧, jö̧ba̧lö. Jau chö̧ja̧wo̧dö, döwaisa, Dios ösödi̧danö adebena ökwödönö pjabato̧, adebi̧ma baledobö.

Ja̧danö chö̧ja̧wo̧dö, Diosnö ile nidebi̧ma di̧sekwobe, Dios wei̧ a̧ja̧kwö ja̧dösa, jö̧ba̧lö. Ja̧danö, Diosnö ile nibebö dö̧jena jo̧ba wei̧ da̧ja̧kwoböma waiyökö chö̧ja̧wo̧dö. Ja̧danö chö̧ja̧wo̧dö döwaisa, böjȩnö ju̧kwadö sulabedö, Diosnö öpöjödadöma tjuju̧kwobe ökwödönö jelobekwö domukwatobö ötjibotö jö̧ba̧lö. Jo̧kwaijayonö ökwödöma jweinö jö̧ba̧ladösa, Jesúsnö ösödadösa, Jesúsma Dios Itji̧, jö̧ba̧lö. Jo̧kwaobetjö̧ ökwödö Dios i̧tji̧mu babibinadöma Dios ujulunö böjȩnö sulabedönö juluwadösa, jobadö wetji̧ a̧ja̧kwökönö. Jau chö̧ja̧wo̧dö, böjȩnö sulabedönö juluwadö ju̧kwadösa, Dios wei̧da a̧ja̧kwö ja̧nö.

Ja̧danö chö̧ja̧wo̧dö, Dios ökwödönö yöawinama baikwö laebobe: Ötjö chitji̧nö ösödadöma, Diosma Itji̧nö weinobe jojodö tjö̧jibinö pjaatobö, jö̧ba̧lö, tjo̧'wo̧ luwo̧nö ba̧kwȩlö̧jatebö tjuju̧kwakwedö. Jo̧kwaijayonö Chitji̧nö öpöjödadöma ba̧kwȩlö̧jatebö tjuju̧kwökakwedö. Chö̧ja̧wo̧dö, Diosma jweinöda yöbawo̧obetjö̧ jo̧ba yöawina, iteda Itji̧nö yöawinama dösödaduwo, Jweinö yöawinobe, jö̧ba̧lö.

Ja̧danö chö̧ja̧wo̧dö, ökwödönö chöwaisa. Ökwödöma Jesúsnö ösödadöja, Jesúsma Dios Itji̧, inesö jo̧, jö̧ba̧lö. Ja̧danö, ökwödönö yöbawö chiwȩyudaduwakwö kwomajadeduwinö isabenö kwöwaisaduwobö, Ökwödöma ba̧kwȩlö̧jatebö duju̧kwakwedösa, jö̧ba̧lö. Isabenö chö̧ja̧wo̧dö, Jesúsnö kwösödaduwobetjö̧ ba̧kwȩlö̧jatebö kwö̧jaduwakobe.

Chö̧ja̧wo̧dö döwaisa. Dios i̧tji̧mu babibinadöma suli̧ jawa ja̧bö 'yö̧ködö. Ja̧danö, Dios Itji̧ Jesúsma jobadö Dios i̧tji̧mu babibinadönö Awetjatjö tjöbeba̧lö te'ada̧lo̧, Awetjama jobadönö jelobekwö tjomukwatobö öibökönö.