Popular Bible Verses from 1 Corintios 7

Share

Jo̧kwajabetjö̧, kwi̧lȩkwa̧mubedökwö bakobe bakibaduwoböma kwöpöjödaduwa chömöledö. Chömöledö, ökwödötjö ju'wedö tji̧lȩkwa̧munö ju̧kwadöma kwomukwataduwena, jwaikwöda Diosnö abebö chö̧jo jö̧ba̧lö, ö̧tö̧chödanö ja'yubenö lekwe chilekwokwö bakobe babibökönö jwaikwöda Diosnö abeböda chö̧jobö chösöda jö̧ba̧lö kwomukwataduwena. Jejenö ja̧baduwi jö̧ba̧löma wetökö chömöledö, jo̧kwaijayonö jejenö kwösödaduwitjö̧ma, baikwö yötawa. Ökwöbi, kwilekwobi bakobe jejenö ö̧tö̧chödanö bakobe babibökönö Diosnö abebö kwö̧jaduwobö kwösödaduwitjö̧ma, jo̧kwada, kwösödaduwi̧danö ja̧köbena. Jo̧kwaijayonö lekwema kwilekwokwö babibökönö kwö̧jaduwa chömöledö, Awetja sulabenö ja̧köbaduwojobö ja̧iawö̧, sulabenö kwösödaduwi̧danö kwilekwobökujukwö ja̧köbapji jö̧ba̧lö.

Ja̧danö, ilekwonö jo̧ma, ilekwokwö bakobe baiboböma öpöjödoko chömöledö, ilekwojobetjö̧ jobujukwö baibobö jo̧be. Ja̧danö jilekwenö ju̧juma, jilekwekwö bajiboböma jöpöjödoko, jilekweobetjö̧ jo̧bakwö bajibobö jo̧be. Jau chömöledö, ilekwonö jo̧ma, itedamaö̧kö̧ iteba'o luwo̧ma, ilekwoda iteba'o luwujuma, jo̧bakwö bakobe bajibo jö̧ba̧lö, ja̧danö jilekwenö ju̧juma, isujudamaökö jiteba'o luwujuma, jilekweda jiteba'o luwo̧ma, jobujukwö bakobe baibo jö̧ba̧lö.

Jau chömöledö, Diosma mikwanö midö eminobe ichejekwa ökwödönöma jo̧bada ömöayedö badibanö, ¿jö̧tö? Ja̧danö, Diosma ida̧ökö ökwödönö midö eminobetjö̧, jelo̧ ömöayedö bakibaduwanö kwiyawaduwoko chömöledö.