Popular Bible Verses from 1 Corintios 6

Share

Jau chömöledö, kwöwaisaduwa, kwiteba'oduwima Dios O̧'wo̧ Luwo̧ eju baibina'o, ja̧danö jo̧ba Dios ökwödönö iyinökwema ökwödökwö jo̧. Jau chömöledö, ökwödöma kwö̧jaduwi̧ luwedöböködöja, Diosda kwö̧jaduwi̧ Luwo̧ma chömöledö, jo̧bada mikwanö midö ökwödönö eminobetjö̧. Ja̧danö, jejenö ökwödönö midö eminobetjö̧, kwiteba'oduwinö Dios ösödi̧danö ja̧bö kwösödaduwonö.

Kwöwaisaduwa chömöledö, Diosma sulabedönö weökakobe, jo̧bakwö ja̧nö luwedö baibanö yötjawobö. Jau chömöledö, isabenö yötawaduwakwö, sulabenö alewö ja̧badöbi, ja̧danö o̧'wo̧ jawa ösödadöbi, ja̧danö tji̧lȩkwa̧muböködökwö ja̧badöbi, ja̧danö ömadö ömadökwö ja̧badöbi, ja̧danö naukwabidöbi, ja̧danö idöda tjemotö jö̧ba̧lö isakwadöbi, ja̧danö 'dukwachinö owa̧ladöbi, ja̧danö ju'wedönö sulabenö yöba̧ladöbi, ja̧danö tjönaukwotö jö̧ba̧lö omöna yöba̧ladöma Dioskwö ja̧nö luwedö batjibökakwedö chömöledö.

Jau chömöledö, kwi̧lȩkwa̧muböködökwö ja'yubebi ja̧bökönaduwi. Ju'wi sulabenö ja̧di̧ma, diteba'o suli̧ waedökö ji̧, jo̧kwaijayonö ilekwobökujukwö ja̧bo̧ma, iteda iteba'o suli̧ öwaedobe.

Ju'wedö Jesúsnö ösödadöma yötja̧lena, Aaa, okobe jwiinö ja̧tobö jö̧ta̧li̧ma wene jwiinö ja̧tena jö̧ba̧lö yötja̧lena. Jau, jejenö jo̧be chömöledö, jo̧kwaijayonö jejenö ja̧dobö jö̧da̧li̧ma ökwödönö pjaatökena. Ja̧danö, okobe jwiinö ja̧tobö chösödi̧ma wene jwiinö ja̧tobö ji̧jayonö, ja̧tökena, chösödi̧ma ja'yubebi chuluwo̧danö baibapji jö̧ba̧lö.

Ja̧danö ju'wedö yötja̧lena, Aaa, kwakwawama dukwobö jo̧be, ja̧danö dukwa'woma, kwakwawa'woda jo̧be jö̧ba̧lö. Jau chömöledö, jejenö jo̧be, ja̧danö kwakwawabi, dukwa'wobi söbebö loakwo̧ Diosma. Jo̧kwaijayonö diteba'oma söbebö loökakwo̧ Diosma chömöledö. Duluwo̧ Jesús iteba'o woawatjö tjeachajinö ja̧inadanö, ökwödö diteba'obi woawatjö tjeachajinö ja̧akwo̧ Diosma iteda ujulunö. Ja̧danö, jejenöobetjö̧, omukwatökönaduwi, Aaa, putasujunö ja̧titjö̧ma chiteba'o jawadaobetjö̧ sulökena jö̧ba̧lö. Jau chömöledö, diteba'oma putabedönö ja̧do jö̧ba̧lö jö̧ka'o, Duluwo̧ ösödi̧danö ja̧do jö̧ba̧lö ja̧'o chömöledö, ja̧danö Duluwo̧ma diteba'o ite'ada̧lobe.