Popular Bible Verses from 2 CORINTIOS 12

Share

Emeshimeseneiya ca eya jama acanaje esohuiquipajje ba'a: “Ecuea miya ehuaquiamee'yojji pojjeama poaje. Eyaya mi ca ecueanei ejjashahuabaquijjijo queaca'a nequimeepoquiaje jamatii miya queaneetii ba'e. Miyaneitii ca'a-ama poani jjabaquimajje eya queaca'anee mi asahuapoquiajji poani baje” jamaya eya acanaje. Jamajjeya eya jjabihuiaquipoquije jiquio e ca'a-ama poani jjabameequijjicuanajo. Jama pomajjeya eya Quitojo queaca'a ba'epoquije, ejotii pojjeama.

Jamajjeya eya queabihui poani eya ca'a-ama poani jjabaquimajje. Eya queacamajanee acanijo, queanee pomeecanijo, bobi, daquicuana ecuea chamajo, ejo jjamata-aquianicuana shajja-ajjamajje pea-ai, jamatii eya chacochacopoquianitii queabihui. Jiquio e queacamajanee acani cuaa Quitojo jjabaquimajje jamatii eya queabihui poani. Eyanei ca'a-ama poani jjabaquimajje majoya eya Quitojo queaca'a nequipoquije.

Bacue, eya jjabihuiaquisapomajje eya sapadojjoma' jayojja pojjeama pome eyaya esohui e'ejojonei añajojoya. Jamatii eya majo jjabihuiaquiajja. Eya Eyacuiñajjijo queapamenee chacochacopoquiani esohui queaja'anee huohuiaña queahuisocuanajo jjabameequisapoani eyanei jjabihuiaquianijo pojjeama. Jamajjeya queahuisocuaa eya queaca'anee nequiani pea dejjacuana jayojja jama pojjeama bacaje. E'ejojonei Eyacuiñajjiya eya queahuiso bameecapoa esohui queapamenee eya jjacahuibaquiani jayojja ani. Jamajjeya eyanei queapame queaca'anee ejjabaqui poanijje majoya Eyacuiñajjiya ebionei eshahua Satanás bajjani eya queanee ameecanaje eya majo ejjabihuiaqui poanijje. Maaya eya queaneetii pomeecani ecue yamijo ebionei eshahua Satanás bajjaniya. Jamaya Eyacuiñajjiya ameecanaje eyanei queaca'a poani ejjabaqui poanijje.