Popular Bible Verses from 1 CORINTIOS 2

Share

Eyacuiñajjija esohui yahuajonei etehue jaa jama poani ba'a: “Eyacuiñajjiya apoa acapoa queapameneenee ojjaña joya o queajea ajji poanicuanaja epojji. Ma ojjañacuanaja ecojjaja bajjimanei, shajja-ajjajjimanei, jjashahuabaquijjimanei pea-ai jjeshecaje o queajea ajji poanicuaaya.”

Ojjaña joya Eyacuiñajjija Dojjoshahuapame yamima'cuaa oja esohuicuana cajaa acani, peajjanei poso acani, yajja poani poso acani pea-ai. Edojjoshahuapame oeneiya oya queaja'a bameecani oja esohui, jamatii ba'e pojjeama.

Eyacuiñajjiya jiquio esohui queaja'a eseya bameesahuacanaje oja Edojjoshahuapamejo. Ohuaya ojjañatii Eyacuiñajjija esohui bajeyojeyocani. Ojaya ejjashahuabaquijjicuana pea-ai Edojjoshahuapameja ebajeyojeyo ma Eyacuiñajjija sapajotii jaa jiquio esejaya queaquehua poani.

Eyacuiñajjiya eseya jiquio meshijo ba'ecacuanaja ejjashahuabaquijjinei quiajjima acanaje. Ohuaya ca se ca oe oja Edojjoshahuapame quiacanaje eseja yamijo enequi'yojji. Majoya eseya ojaya Edojjoshahuapame quiacanaje queaja'a esejaya ebajji ma Eyacuiñajji queapameneeya eseya quiacanaje huisotii ojo queapame echacochacopoquijji.

Majo aniya eyaya quiana huohuineinaje dejja queasapaja'aja ejjashahuabaquijji pojjeama miquiana ecuea esohui ehuohuijo ejjashajja-ajjaquijji. Edojjoshahuapame queaca'aneetiiya caca eya queaja'a huohuimeesahuacanaje Eyacuiñajjija esohui miquiana majo queapame ejjashahuabaqui'yojji, ecueanei ejjashahuabaquijjijo pojjeama. Jamaya eyaya quiana esohui huohuineinaje. Jamajjeya Eyacuiñajji queaca'aneetii poani bamajje jjashahuabaqui'yonaje quiana. Dejja queasapaja'a poanija esohui shajja-ajjamajje pojjeama jjashahuabaqui'yonaje quiana.