Popular Bible Verses from من قصة النبي سليمان 18

Share

استجبلي يا ربّ، وفليعلم الحاضرين إنّك إنت هوّ الله ربّ العالمين. وإنتَ رح تهديهُن حتّى يرجعولَك، ويتوبوا إلَك."

ووقت تقديم الضحيّة، قرّب النبي الياس (عليه السلام) من المنصّة وقال: "اللّهمّ يا ربّ إبراهيم وإسحاق ويعقوب، اليوم تُثبِت إنّك أنتَ هو الله ربّ بني يعقوب، وإنّي أنا عبدَك، وبأمر منَّك أنجزت كلّ هالأمور.

وهون قرّب النبي الياس من كلّ المجتمعين وقلُّن: "إنتو لأيمتى رح تضلّوا محتارين بين موقفين؟ متل ما بقولوا، إجر بالفلاحة وإجر بالبور، فإذا كان الله الواحد هو الحقّ اتّبعوه، وإذا كان البعل هو الحقّ، خلص اتّبعوه". ولكن الحاضرين ما جاوبوه بولا كلمة.

وبذات اللحظة، أنزل ربّ العالمين شعلة نار قويّة أكلت الضحية والحطب والحجارة والتراب، وحتّى نشّفت الميّ يلّي بالحفرة.

ولمّا الكلّ شافوا هالمنظر، نزلوا عالأرض ساجدين وبخشوع هتفوا: "لا إله إلّا الله! لا إله الّا الله."

وقلّه عمول هيك سبع مرّات وعمل هيك الخادم وفعلاً سابِع مرّة، صار الخادم ينده: "هيّاها، هيّاها غيمة صغيرة، قدّا قد الكفّ، طالعة من البحر." فقلُّه الياس: "إيه قوم ركوض بسرعة، لحّق الملك آخاب، قلّه عجّل تروك الجبل قبل ما تكبُس الدنيا، وتقوم إنتَ تنقطِع عالطريق."

وبما إنّه النبي الياس (عليه السلام)، ربنا مؤيدُه وعاطيه قوّة وقدرة، فقدِر ركِض يسبق الملك ومركبتُه عالقصر ويوصل قبلُه.

ووقتا قلُّه النبي الياس لآخاب الملك: "يالله! قوم طلاع من الوادي كول وشراب، لأنّي سامع صوت مطر قوي رح ينزل."

وقال لخادمُه: "يا إبني قوم اتطلّع صوب البحر." فقام الخادم اتطلَّع وقال: "ما، ما في شي." قلُّه النبي الياس: "قوم، روح ورجاع".

قال النبي الياس للحاضرين: "تعوا قرّبوا لعندي." وقرّبوا الكلّ لعندُه. وبلّش يرمّم حجارة منصّة قربان من قرابين بني يعقوب المهدّمة،

وبعدين إنتو بتدعوا بإسم إلهكُن وأنا بدعي بإسم إلهي ربّ العالمين. والإله الّي بنزّل نار عالحطب هوّ بكون الإله الحيّ." وهيك جاوب الكلّ بالموافقة وقالوا: "كلام سليم."

وبعدين أخد تنعشر حجر، بعدد عشاير بني يعقوب.

وعوقت الضهر صار يتمهزأ عليُهن النبي الياس ويقلُّن: "علّوا صوتكُن أكتر يمكن مش سامعكُن، ما تنسوا، هيدا إله، يمكن هو شارد أو يمكن بالحمام، أو مسافر وإنتو ما انتبهتوا، أو نايم أوعى تفيقوه!"

ومن هالتنعشر حجر عمل منصّة قربان لله السميع المجيب، وحفر حواليها حفرة، دايِر ما لفّ، بتساع شي سطلين ميّ.