Popular Bible Verses from Ayṯ-Ruma 4

Share

Waxxa amenni war inqiṣ ca lʼiman nnes, war itcekki ca ḏi ȓƹaheḏ nni iy ḏas yuca Arebbi. Walakin yarenni ḏi lʼiman nnes iḥemmeḏ Arebbi, netta aqaṯ metʼakked aṭṭas Arebbi izemmar aḏ ikemmeȓ x ȓƹaheḏ nnes.

Mammec iqqar Lkitab: <Arriɣ-cek ḏ jeddiṯsen i waṭṭas n ȓegnus.> Ḏinni Brahim zzaṯ i Arebbi iy zi itamen, iƹni wenni d isnekkaren yinni immuṯen, iƹni wenni d ixeȓqen min ƹemmarṣ war iǧin.

Itwasellem ḥima aḏ immeṯ x ȓmuƹṣiyaṯ nneɣ, itwasekkar-d ḥima aḏaneɣ isemṣȓaḥ Arebbi akiḏes.

Waxxa war ḏinni bu lʼamal qaƹ, yumen Brahim igga lʼamal. Amenni iy iḏweȓ ḏ jeddiṯsen i waṭṭas n ȓegnus mammec tuɣa ḏas itwanna zi qbeȓ: <Min iǧan ḏ iṯran ḏeg ujenna amenni iy ɣa ṯiȓi ddurriṯ nnec.>

S manayenni ȓƹaheḏ-a ibna x lʼiman waḥḏes: Ḥima ȓƹaheḏ-a aḏ d yas zi arḍa nnes, ḥima aṯ iḍmen Arebbi i marra ddurriṯ n Brahim. U maci ɣir wenni iḏeffaren ccariƹa n Musa; Lla, uȓa ḏ wenni icarrcen ḏi lʼiman n Brahim. Netta ḏ jeddiṯneɣ marra.

<Ssaƹḏ n yinni umi twaɣfarent ssayyiʼaṯ nsen, twamḥant ȓmuƹṣiyaṯ nsen. Ssaƹḏ n wenni war itḥisib Siḏi Arebbi x ȓmuƹṣiyaṯ nnes.>

Mamc iqqar Lkitab: <Uca yumen Brahim zi Arebbi, ikkar Arebbi isemṣȓaḥ-iṯ akiḏes s lʼiman nni.>