Popular Bible Verses from Iƹibraniyen 13

Share

Aḏ tƹicem bȓa ma aḏ tḥibbem tmenyaṯ, aḏ tqenƹem s min ɣarwem. Arebbi s yixef nnes inna qa ƹemmarṣ ac jjeɣ, ƹemmarṣ aḏayek semḥeɣ.

Ƹisa Lmasiḥ netta ḏ ijjen, amecnaw iḍennaṭ amecnaw nhara amecnaw i ȓebda.

S manayenni neqqar s zƹameṯ qa nec Siḏi Arebbi itƹawan-ayi maci aḏ ggwḏeɣ. Min ḏayi ɣa igg bnaḏem?

U war tettuṯ ca aḏ teggem ȓxir aḏ tcarcem ak inneɣni minzi s dbiḥaṯ-a am ṯina iy ḏas iteƹjiben i Arebbi.

Iḏen labud s Ƹisa iy zi ɣa neḥmeḏ Arebbi ḏi mkuȓ ȓweqṯ. Ḏ ṯanita ḏ dbiḥeṯ iy ɣa nqeddem i Arebbi, iƹni meȓa neƹtaref s yisem nnes.

Weqqareṯ ȓemȓac marra. Qama n ȓemȓac aḏ tiȓi s nniyyeṯ bȓa ȓɣedȓan. Aqa Arebbi aḏ iƹaqeb yinni ifessḏen ḏ yinni izennan.

War tettuṯ ca aḏ treḥḥbem zi midden minzi ȓebƹaḍ iy ggin manayenni treḥḥaben zi lmalaʼikaṯ bȓa ma ṯent ssnen.

Arebbi ḏayes ȓehna, ḏ netta iy d yarrin Siḏiṯneɣ Ƹisa zeg imettinen s iḏammen n ȓƹaheḏ ig itduman i ȓebda, Ƹisa-ya ḏ Ameksa Ameqqran n iḥuȓiyen. Aḏawem iḏebbar Arebbi marra ṯimesȓayin ṯiṣebḥanin bac aḏ teggem ȓxaḍar nnes. Aḏayneɣ ixḏem min ḏas iteƹjiben zzaṯes, s Siḏiṯneɣ Ƹisa Lmasiḥ iy ɣar ɣa ṯiȓi lƹaḍama i ȓebda n ȓebdaṯ. Amin.