Popular Bible Verses from Iƹibraniyen 1

Share

Netta ḏ nnur n lƹaḍama n Arebbi ḏ ṣṣifeṯ n ṭṭabiƹa nnes bȓa axeṭṭi. S jjheḏ n wawaȓ nnes iy zi irebbu marra ṯimesȓayin. Wami iḥell ȓmuƹṣiyaṯ n bnaḏem issiṣfa-ṯent, ssenni iqqim x ufusi n Arebbi Subḥana wa Tƹala.

Ḏi zman issawaȓ Arebbi ak ȓejḏuḏ nneɣ s uqemmum n lʼanbiya s waṭṭas n ṯwaȓaṯin s waṭṭas n ibriḏen. Walakin ḏi lʼayyam-a ineggura issawaȓ akiḏneɣ s uqemmum n Mmis iƹni wenni iy ixḍar aḏ iwareṯ marra ṯimesȓayin, zzayes iy d ixȓeq Arebbi ddunect.

Lmalaʼikaṯ, niṯenti min ƹnant? Niṯenti ḏ arruḥaṯ twassekkent-id aḏ sexxarent i yinni iy ɣa iwarṯen asenjem.

Iqqar ƹaweḏ: <Ay Arebbi, ḏeg umezwaru ṯserseḏ dsasaṯ n ddunect-a, ṯeggiḏ ijennaṯen s ufus nnec. Yina aḏ fnan cek aḏ tdumeḏ, marra aḏ rcan am warruḍ.