Popular Bible Verses from 2 Ŋikor. 5

Share

Aŋun, ani keyai ŋini eyai tooma Kristo, aruwor iŋes isubuna ŋini kitete; asalut ŋuna ŋorok, apotu ŋuna kitet.

Amam asecit aneni a Kristo, nai abu Akuj kituruwo iŋes asecit aŋuna yok, ikotere nai iwon alotooma keŋ oruworos ŋulu ikiyookino aneni ka Akuj.

Anerae ikiyari iwon ananupit, meere aŋuna ikiŋolyanakini.

Akuj iŋes etiya nu daadaŋ, Akuj ŋina ikimorik iwon ka iŋes alotooma Kristo ka abu iŋes ikiinak iwon etic ŋolo ka akimoryanakin. Akuj iŋes abu kimorikinos ka akwap alotooma Kristo, nyimari iŋes ŋasecisya a ŋituŋa aŋuna ka akisicania ikes. Ikicikak iŋes isua etic ŋolo ka akimoryanakin.

Ikirae isua ŋikawuoikinitok ŋulu a Kristo ka erae neni kosi ikinyaritor iyes Akuj anakiro kosi: alokiro a Kristo, ikimaimai isua iyes tocamut akimorikin ka Akuj.

Abu iŋes totwan aŋuna a daadaŋ, ikotere ŋulu eyarete tojoŋoto akiyar aŋuna kec make, nai toyara aŋuna a ŋolo atwani ka kiteyarunae aŋuna kec. Ameun tokona, nyeriŋa isua ikitubokini idiotuŋanan alopite a ŋolo a ŋituŋa a ŋulu ka akwap. Tari erae kikiyenunit isua Kristo kocooloŋ alopite a ŋolo ka akwap a na, nyeriŋa tokona ikiyeni iŋes alopite a ŋol.

Amina ŋina a Kristo iŋes ikipukat isua, anerae ikiyeni isua atemar abu ituŋanan ipei totwan aŋuna a daadaŋ, iŋes atemar emorete daadaŋ atwanare keŋ.