Popular Bible Verses from 2 Ŋikor. 4

Share

Nyikiwuakinit isua ŋatameta kosi loboro ŋulu etakanete, nai loboro ŋulu nyetakanete; ibore ŋini ite iyoŋ, nyeropari, nai ŋini nyetakani, eropari ŋikaru ka ŋikaru.

Aŋun, nyikiupi isua atitinyikinit. Tari kiyosete iwadio ŋawat kosi amunaar, nai iteteununuyo ŋitai kosi a ŋinakoloŋit. Anerae ŋican ŋulu ikiryamunit iwon ŋulu esalunete, erae koŋin kisikwaani ka apolou ŋina ajokan nooi ŋina nyesaluni ŋina itemonokinete ŋican ŋul aŋuna yok.

Ikisilekio isua alowaetin a daadaŋ, nai nyibusokina ikes isua, nyikiyeni isua ŋuna kitiya, nai nyesaluni akigeno kosi. Ikisicanitae isua, nai nyeesikina Akuj isua; ikiwanawanae isua, nai nyetwaka isua.

Nai iwon ŋulu ikiyakar ebari ŋolo ebunit aneni ka Akuj, ikikoni iwon ŋamoti ŋuna eyeunitae a elupe, ikotere ikitoodiunia atemar nyerae apedor ŋina apolon ŋina ka Akuj ŋina yok.

Adau ekepukan ŋolo ka akwap a na akitumudukan ŋatameta a ŋulu nyenupito, ikotere nyiŋolikiniata akica ŋina a Ŋakiro a ŋuna Ajokak, ŋuna ka apolou a Kristo, a ŋolo ikwaan ka Akuj per.

Arae Akuj abu tema, “Tocau akica anakiryonut”, Akuj ŋinapei ŋin etacau akica keŋ alotai yok, ainakinia iwon akica ŋina ka ayenut ka apolou ŋina ka Akuj ŋina etacaun aloreet a Kristo.