Popular Bible Verses from VHAHEBERU 4

Share

Ipfi ḽa Mudzimu ḽi a tshila, ḽi a shuma, ḽi na vhuhali vhu fhiraho ha banga ḽa mutsheahoṱhe, ḽi swika hune muhumbulo na muya na zwiendanungo na mwongo zwa ṱangana, ḽi khethekanya nyemulo na mihumbulo ya mbilu dza vhathu.

Kha ri sendele-ha tsini ha khuluṋoni ya Mudzimu, hune ra ṱanganedzwa nga vhuthu, ri sendele ri sa timatimi, uri ri kone u itelwa tshilidzi na vhuthu, ri lamulelwe musi ro hanganea.

A ri na tshifhe muhulu a kundwaho u ri pfela vhuṱungu a tshi vhona u shaya nungo hashu, aiwa, na Ene muṋe o lingwa unga riṋe nga nḓila dzoṱhe; phambano ndi nthihi fhedzi: Ene o vha a si na vhutshinyi.

A hu na na tshisikwa tshine tsha nga mu dzumbama, zwoṱhe zwi khagala phanḓa ha onoyo ane a ri sengisa, zwa nga zwo vhambelwa u shidzhwa.

Ri na Tshifhe Muhulu a re muhulwane o no fhiraho vhukati ha maṱaḓulu, Ene Yesu Murwa wa Mudzimu, kha ri nambatele-ha lutendo lwe ra bula.

Zwino-ha nga ri lwise nga nungo dzoṱhe u dzhena hune Mudzimu a ḓo ri awedza. Hu songo vhuya ha vha na muthihi washu ane a nyadza Mudzimu unga vhaḽa vho mu nyadza, vha vho fa nḓilani.