Popular Bible Verses from VHAHEBERU 12

Share

Zwino vhunga ri na gogo ḽingafhangafha ḽa ṱhanzi dzo ri tangaho, nga ri kudze zwithithisi zwoṱhe kule, na vhutshinyi, ngauri vhu a ri piringedza, ri tou oma kha mbambe ine ra vha khayo, ro tou sedza henengei phanḓa kha Yesu, Ene we a ri zhakela nḓila ya lutendo a dovha a vha Ene ane a ri swikisa he lwa livha hone. Ene nga u sedza dakalo ḽe a vha o vhetshelwa ngei phanḓa, o konḓelela lufu lwa tshifhambano a si londe u nyadzea halwo, zwino khezwo-ha, o no dzula thungo ya tshauḽa ya Mudzimu vha vhusa vhoṱhe.

U laiwa ngoho a zwi takadzi. Nga tshifhinga tshenetsho zwi nga zwi a vhavha, hone ngavhuya mitshelo ine ya fuliwa nga vho laiwaho ndi mulalo na vhutshilo vhu sa solisei.

Tshaṋu nga hu vhe u dzudzana na vhathu vhoṱhe nga mulalo, ni luse u tshila vhutshilo vhukhethwa; ane a si ralo a nga si vhone Muṋe washu.

Edzonu elekanya Ene we a konḓelela u hanedzwa zwingafhongafho nga vhatshinyi, ndi hone ni sa ḓo kulea nungo na ṱovhowa.

Zwenezwo muvhuso we ra dzhena khawo a si une wa nga sudzuluswa. Nga ri livhuhe Mudzimu ri mu luvhe nga khuliso na nga nyofho, ngauri ndi zwone zwine a zwi funa.

Ndi ndayo, i konḓeleleni. Ndi hone Mudzimu a tshi ni fara sa vhana vhawe. Nṋa hu na ṅwana ane khotsi a si mu laye naa?

Ḓivhani uri Mudzimu washu ndi mulilo u lozwaho.

Vhone vho ri laya kha zwa vhutshilo honovhuno vhu sa yi thambo vha tshi ri laya nga he vha vhona zwo fanela. Hone Khotsi wa ṱaḓulu a tshi ri laya ndi Ene ane a ita uri zwi ri nakele ri kovhekane nae vhukhethwa hawe.

Hafhu ni tshi lwa na vhutshinyi a ni athu vhuya na swika hune na vhulawa.