Popular Bible Verses from Ephesians 5

Share

Wak̇aƞṫaƞka ċiƞċa uƞṡiwiċakila ki he, niƞṡʹeya iyeċel igluhayo. Wak̇aƞṫaƞka Ihaniktapi na uƞṡinilapi ki heuƞ niṡeya eċel iwaƞyaƞg eċanuƞpi kte. Waċaƞte ognakapi ki he ognayaƞ uƞkʹuƞpi kte. Christ teuƞḣilapi na iye iċ'iċ'u ki he Wak̇aƞṫaƞka iyokipi.

Oyate taƞyaƞ wiyukcaƞpi ki he iyeċel opiiċ'iyiƞ na witkoya uƞ ṡniyo. Aƞpetu iyohi yaƞni iċuhaƞ taku iyuha taƞyaƞ iċuƞwo.

Mni ṡiċa [wak̇aƞ]un itomniiċ'iye ṡni na ihaƞg iċ'iye ṡni yo, eyaṡ Woniya Wak̇aƞ ki uƞ okaḣtaƞ iċ'iyayo. Tohaƞl mniċiyapi ċaƞna psalms woeye etaƞ uƞ nape yeċiyuzapi na woċekiye olowaƞ etaƞ Wak̇aƞṫaƞka ċaƞte kiċ'uƞya ayeċihiyayapi kte. Jesus Christ ċaje ki uƞ ohiƞniya Wak̇aƞṫaƞka taku yuha niċiyapi ki hena wopila eyakiyapi kte.

Waċiƞṫuƞ ṡniya wiyukcaƞ ṡni yo. Eċaƞleṡ, Wak̇aƞṫaƞka ouƞye ki he ogna uƞ waċiƞ yo.

Wiċaṡa ki he ṫawiċu ki tekiḣila ki he iyeċel Christ ok̇olakiċiye wak̇aƞ ki he tekiḣila uƞ tʹe.

Ehaƞni haƞhepi oiyokpaza ki he iyeċel el yauƞpi tk̇a, Eyaṡ waƞna Wak̇aƞṫaƞka waables niċiyapi uƞ niṫawaċiƞpi ki aiyonijaƞjaƞpi. Heuƞ he iyeċel yauƞpi kte

Christ luonihaƞpi uƞ tuwe ki iyuha ṫokaheya wiċaluonihaƞpi kte.

Wihiƞgnaṫuƞ waƞ hiƞgnaku ki ṫokahekiyiƞ na ahoṗa uƞ ki he, iyeċel Wak̇aƞṫaƞka ṫokaheyiƞ kte.

Heuƞ wiċaṡa waƞ waṡte iċ'ilake ki he iyeċel ṫawiċu ki teḣila kte, na wiƞyaƞ ki he iƞṡʹeya hiƞgnaku ki gluonihaƞ uƞ kte.

Wowapi wak̇aƞ etaƞ leċel yawapi, "Wiċaṡa waƞji ṫawiċuṫuƞ kta haƞtaƞnaṡ, huƞku na atkuki awiċagluṡtaƞ, na ṫawiċu kiċi owaƞjila kiċiyapi.

Taku eya heċetu ṡni na naḣma waeċuƞpi ki hena etan iḣayab igluzayo. Eṡey'aṡ hena heċetu ṡni ki he ableswiċakiyab iyuṫapo.