Popular Bible Verses from Kutyoka 3

Share

Akunnungu waasalile che Musa, “Une ndili une. Yele ni ichinkaasalile Ŵaisilaeli kuti, jwakuŵilanjikwa, ‘Une ndili, andumile kukwenu.’

Akunnungu ŵaajanjile, “Uneji chinjiŵa pampepe ni mmwejo. Pachinkaakoposye ŵandu ŵangu ku Misili chimumbopelele pachitumbi pa, ni chelechi chichiŵe chimanyisyo chenu kuti ambopele.”

Akunnungu ŵasalile, “Nkaŵandichila apano! Mmule italawanda yenu pakuŵa pelepo panjimi pali peuto papaswela.

Nipele Ambuje Akunnungu ŵatite, “Nakuweni kulaga kwao ŵandu ŵangu ŵaali ku Misili, ni mbilikene chililo chao chachikutyochela kwaligongo lya chikali cha achakulu ŵa achikapolo. Ngukumanyilila kulaga kwao, noneji ndulwiche kukwakulupusya mmakono mwa Ŵamisili. Naakoposye mu chilambo mo kuti naapeleche ku chilambo chambone chachikulungwa, chachikufai kwa kulima ni kulanga ilango yejinji. Ku chilambo chaakutama Ŵakanaani ni Ŵahiti ni Ŵaamoli ni Ŵapelesi ni Ŵahivi ni Ŵayebusi.

Nipele katumetume jwa kwinani jwa Ambuje Akunnungu ŵankopochele, mu lilamba lya moto pa mbindikati chisukuti. Che Musa ŵachiweni chisukuti chilinkukolela moto pangatinika.

Sambano, nguntuma mmwejo kwa mwenye jwa ku Misili, kuti nkaatyosye ŵandu ŵangu mu chilambo cho.”