1
ମୂଲୁ 1:26-27
Kuvi Bible, 2025
Kii25
ଏମ୍ବାଟିଏ ମାହାପୂରୁ ଏଲେଇଚେସି, “ମା଼ମ୍ବୁ ଜାହାରା ୱା଼ଣା ତଲେ ଅ଼ଡ଼େ ଜାହାରା ଲେହେଁକି ମାଣ୍ସିଇଁ ରାଚିକିଇଁ। ଏ଼ୱାରି ଏ଼ୟୁତି ମୀଣ୍କାଣି ଅ଼ଡ଼େ ଊମ୍ବିନି ପଟାୟାଁ ଅ଼ଡ଼େ ଜ଼ନ୍ତ, ଅ଼ଡ଼େ ବାରେ ଦାର୍ତି ଇଞ୍ଜାଁ ବାରେ ବାଣ୍ତିତଲେ ତା଼କିନି ଜ଼ନ୍ତତି ସା଼ଲୱି କିନେରି।” ଏଚେଟିଏ ମାହାପୂରୁ ଜାହାରା ୱା଼ଣା ତଲେ ମାଣ୍ସିଇଁ ରାଚିକିତେସି; ମାହାପୂରୁତି ୱା଼ଣା ତଲେ ଏ଼ୱାସି ଏ଼ୱାଣାଇଁ ରାଚିକିତେସି; ଆ଼ବା ଅ଼ଡ଼େ ଆୟାଟି କିହିଁ ଏ଼ୱାସି ଏ଼ୱାସିକାଣି ଗା଼ଡ଼ିକିତେସି।
Compare
Explore ମୂଲୁ 1:26-27
2
ମୂଲୁ 1:28
ଅ଼ଡ଼େ ମାହାପୂରୁ ଏ଼ୱାସିକାଣି ବ଼ର ହୀତେସି; ଇଞ୍ଜାଁ ମାହାପୂରୁ ଏ଼ୱାସିକାଣି ଏଲେଇଚେସି, “ବେ଼ଲି ଏ଼ପାଆ଼ହାଁ ହା଼ରେକା କୂଡ଼ା ଆ଼ଦୁ, ଇଞ୍ଜାଁ ଦାର୍ତିତି ନେଞ୍ଜିକିହାଁ ଲକ୍ହା ଇଟାଦୁ, ଅ଼ଡ଼େ ଏ଼ୟୁଣା ମେୟିଁନି ମୀଣ୍କା ଅ଼ଡ଼େ ଊମ୍ବିନି ପଟାୟାଁ ଅ଼ଡ଼େ ବୂମିତା ବାଣ୍ତି ତଲେ ତା଼କିନି ଜୀୱୁଗାଟି ଜ଼ନ୍ତଣି ସା଼ଲୱି କିଦୁ।”
Explore ମୂଲୁ 1:28
3
ମୂଲୁ 1:1
ମୂଲୁଏ ମାହାପୂରୁ ଲାକପୂରୁ ଅ଼ଡ଼େ ଦାର୍ତିତାଣି ଗା଼ଡ଼ି କିତେସି।
Explore ମୂଲୁ 1:1
4
ମୂଲୁ 1:2
ଦାର୍ତିତା ଏ଼ନାୟିୱା ହିଲାଆତେ, ୱାର୍ଆୟିଏ ମାଚେ, ଅ଼ଡ଼େ କୂଡ଼୍ହି ଏ଼ୟୁ ଲାକ ଆନ୍ଦେରି ମାଚେ; ଇଞ୍ଜାଁ ମାହାପୂରୁତି ଜୀୱୁ ଏ଼ୟୁ ଲାକ ରେ଼ଜିମାଚେ।
Explore ମୂଲୁ 1:2
5
ମୂଲୁ 1:3
ଏଚେଟିଏ ମାହାପୂରୁ ଏଲେଇଚେସି, “ଉଜେଡ଼ି ଆ଼ପେ” ଏମ୍ବାଟିଏ ଉଜେଡ଼ି ଆ଼ତେ।
Explore ମୂଲୁ 1:3
6
ମୂଲୁ 1:31
ମାହାପୂରୁ ତା଼ନୁ ଗା଼ଡ଼ିକିତି ବାରେ ଆ଼ସ୍ତିତି ସିନିକିତେସି, ଅ଼ଡ଼େ ମେହ୍ଦୁ ଏ଼ ବାରେ ହା଼ରେ ନେହିଁ ତ଼ଞ୍ଜାଆ଼ତୁ। ଏଚେଟିଏ ମିଡ଼୍ଅଲା ଅ଼ଡ଼େ ଲା଼ଇ ୱେ଼ୟାନା ସ଼ଦିନା ଆ଼ତେ।
Explore ମୂଲୁ 1:31
7
ମୂଲୁ 1:4
ମାହାପୂରୁ ଉଜେଡ଼ିତି ମେସ୍ତେସି, ଏ଼ଦି ନେହେଁ ତ଼ଞ୍ଜାଆ଼ତେ; ଏଚେଟିଏ ମାହାପୂରୁ ଆନ୍ଦେରିଟି ଉଜେଡ଼ିତି ଏଟ୍କା କିତେସି।
Explore ମୂଲୁ 1:4
8
ମୂଲୁ 1:29
ମାହାପୂରୁ ଅ଼ଡ଼େ ଏଲେଇଚେସି, “ମେହ୍ଦୁ, ନା଼ନୁ ବୂମିତି ବାରେ ହିଃଲି କୁଚା ଅ଼ଡ଼େ ବାରେ ତିନି ପା଼ଡ଼େୟି ମା଼ର୍କା ହିୟାତେଏଁ, ଏ଼ୱି ମୀ କା଼ଦି ଆ଼ନୁ।
Explore ମୂଲୁ 1:29
9
ମୂଲୁ 1:5
ମାହାପୂରୁ ଉଜେଡ଼ିତି ଦ଼ରୁ ଦିନା ଅ଼ଡ଼େ ଆନ୍ଦେରିତି ଦ଼ରୁ ଲା଼ଆଁୟାଁ ଇଟିତେସି। ଏମ୍ବାଟିଏ ମିଡ଼୍ଅଲା ଅ଼ଡ଼େ ଲା଼ଇ ୱେ଼ୟାନା ମୂଲୁ ଦିନା ଆ଼ତେ।
Explore ମୂଲୁ 1:5
10
ମୂଲୁ 1:6
ଏଚେଟିଏ ମାହାପୂରୁ ଏଲେଇଚେସି, “ଏ଼ୟୁଣା ୱାର୍ଆୟି ଆ଼ହାଁ ଏ଼ୟୁ ରୀ ବା଼ଗା ଆ଼ପୁ।”
Explore ମୂଲୁ 1:6
11
ମୂଲୁ 1:30
ଅ଼ଡ଼େ, ଦାର୍ତିତି ବାରେ ଜ଼ନ୍ତ, ଅ଼ଡ଼େ ଊମ୍ବିନି ପଟାୟାଁ, ବୂମିତା ବାଣ୍ତି ତଲେ ତା଼କିନି ଜ଼ନ୍ତ, ଈ ବାରେ ଜ଼ନ୍ତୟାଁକି, ତିଞ୍ଜାଲି ନା଼ନୁ ହିଃଲି ଜା଼ଡ଼ା ହୀତେଏଁ।” ଏଚେଟିଏ ଏଲେଆ଼ହିଁ ଆ଼ତେ।
Explore ମୂଲୁ 1:30
12
ମୂଲୁ 1:14
ଏଚେଟିଏ ମାହାପୂରୁ ଏଲେଇଚେସି, “ଲା଼ଆଁଟିଏ ମାଦେନା ଏଟ୍କା କିହାଲି ତାକି ହା଼ଗୁ ଲାକ ଉଜେଡ଼ିକା ଆ଼ପୁ; ଇଞ୍ଜାଁ ଏ଼ୱି ବାରେ ସିନା, ଦିନା, କା଼ଲମି ଇଞ୍ଜାଁ ବାର୍ସା ପୁଞ୍ଜାଲି ଆ଼ପୁ।
Explore ମୂଲୁ 1:14
13
ମୂଲୁ 1:11
ଏଚେଟିଏ ମାହାପୂରୁ ଏଲେଇଚେସି, “ଦାର୍ତିତା ହିଃଲି ଜା଼ଡ଼ା ଅ଼ଡ଼େ ବିଚା ପା଼ଡ଼େୟି ନେୟିଁନି ଊଣା ଊଣା ମା଼ର୍କା, ପା଼ଡ଼େୟି ଆ଼ୟିନି ମା଼ର୍କା, ଜାହା ଜାହାରା କୂଡ଼ା ତଲେ ଦାର୍ତିତା ନେୟାଁପୁ।” ଏଚେଟିଏ ଏଲେଆ଼ହିଁଏ ଆ଼ତେ।
Explore ମୂଲୁ 1:11
14
ମୂଲୁ 1:7
ଇଲେକିଁ ମାହାପୂରୁ ୱାର୍ଆଣି ଗା଼ଡ଼ିକିହାଁ, ୱାର୍ଇ ତା଼ଣା ମାନି ଲାକତି ଏ଼ୟୁଟି, ୱାର୍ଇ ତା଼ଣା ମାନି ଡ଼଼ଇତି ଏ଼ୟୁଣି ଏଟ୍କା କିତେସି; ଏଚେଟିଏ ଏଲେକିଁ ଆ଼ତେ।
Explore ମୂଲୁ 1:7
15
ମୂଲୁ 1:12
ଇଚିହିଁ, ଦାର୍ତିତା ଜା଼ଡ଼ା ଅ଼ଡ଼େ ଜାହାରା କୂଡ଼ା ତଲେ ପା଼ଡ଼େୟି ନେୟିଁନି କୁଚା ଅ଼ଡ଼େ ଜାହାରା ୱା଼ଣା ତଲେ ପା଼ଡ଼େୟି ଆ଼ୟିନି ମା଼ର୍କା ନେୟିଁତୁ; ଇଞ୍ଜାଁ ମାହାପୂରୁକି ଏ଼ଦି ନେହିଁ ତ଼ଞ୍ଜାଆ଼ତେ।
Explore ମୂଲୁ 1:12
16
ମୂଲୁ 1:16
ଇଲେକିହିଁ ମାହାପୂରୁ ଦିନାତି ସା଼ଲୱି କିହାଲି ର଼ କାଜା ଉଜେଡ଼ି ଅ଼ଡ଼େ ଲା଼ଆଁୟାଁ ସା଼ଲୱି କିହାଲି ତାନି କିହାଁ ଊଣା ର଼ ଉଜେଡ଼ି, ଅ଼ଡ଼େ ହୁକାୟାଁ ଜିକେଏ ଗା଼ଡ଼ିକିତେସି।
Explore ମୂଲୁ 1:16
17
ମୂଲୁ 1:9-10
ଏଚେଟିଏ ମାହାପୂରୁ ଏଲେଇଚେସି, “ହା଼ଗୁପା଼କା ଡ଼଼ଇତି ବାରେ ଏ଼ୟୁ ର଼ ଟା଼ୟୁତା କୂଡ଼ା ଆ଼ପୁ ଅ଼ଡ଼େ ବୂମି ତ଼ଞ୍ଜାଆ଼ପେ,” ଏଚେଟିଏ ଏଲେଆ଼ହିଁ ଆ଼ତେ। ଇଞ୍ଜାଁ ମାହାପୂରୁ ୱା଼ୟିତି ବୂମି ଦ଼ରୁ ଦାର୍ତି ଅ଼ଡ଼େ ଏ଼ୟୁତି ଦ଼ରୁ ସାମ୍ଦୁରି ଇଟିତେସି; ଇଞ୍ଜାଁ ମାହାପୂରୁକି ଏ଼ଦି ନେହିଁ ତ଼ଞ୍ଜାଆ଼ତେ।
Explore ମୂଲୁ 1:9-10
18
ମୂଲୁ 1:22
ଇଞ୍ଜାଁ ମାହାପୂରୁ ଏ଼ୱାସିକାଣି ବ଼ର ହୀହାଁ ଏଲେଇଚେସି, “ବେ଼ଲି ଏ଼ପିକିହାଁ ହା଼ରେକା କୂଡ଼ା ଆ଼ହାଁ ସାମ୍ଦୁରିତି ଏ଼ୟୁଣା ନେଞ୍ଜିକିଦୁ, ଅ଼ଡ଼େ ଦାର୍ତିତା ପଟା କା଼ଟି ହା଼ରେକା ଗାଡି ଆ଼ପୁ।”
Explore ମୂଲୁ 1:22
19
ମୂଲୁ 1:24
ଏଚେଟିଏ ମାହାପୂରୁ ଏଲେଇଚେସି, “ଦାର୍ତିତା ଜାହା ଜାହାରା କୂଡ଼ାତି ଜ଼ନ୍ତୟାଁ, ଇଚିହିଁ, ନା଼ୟୁଁତି ଜ଼ନ୍ତ ଅ଼ଡ଼େ ବାଣ୍ତିତଲେ ତା଼କିନି ଜ଼ନ୍ତ ଅ଼ଡ଼େ ଜାହା ଜାହାରା କୂଡ଼ା ତଲେ ଦାର୍ତିତି ଜା଼ଡ଼ାତି ଜ଼ନ୍ତୟାଁ ଆ଼ପୁ,” ଏଚେଟିଏ ଏଲେକିହିଁ ଆ଼ତୁ।
Explore ମୂଲୁ 1:24
20
ମୂଲୁ 1:20
ଏଚେଟିଏ ମାହାପୂରୁ ଏଲେଇଚେସି, ଏ଼ୟୁଣା ଜୀୱୁଗାଟି ଜ଼ନ୍ତ ଜୀୱେଡ଼ିକା ଆ଼ପୁ ଅ଼ଡ଼େ ଦାର୍ତି ଲାକତି ହା଼ଗୁତା ପଟାୟାଁ ଊମ୍ବାପୁ।
Explore ମୂଲୁ 1:20
21
ମୂଲୁ 1:25
ଇଲେକିଁ ମାହାପୂରୁ ଜାହା ଜାହାରା କୂଡ଼ାତି ଜା଼ଡ଼ା ଜ଼ନ୍ତ ଅ଼ଡ଼େ ଜାହା ଜାହାରା କୂଡ଼ାତି ନା଼ୟୁଁତି ଜ଼ନ୍ତ ଅ଼ଡ଼େ ଜାହା ଜାହାରା କୂଡ଼ାତି ବାଣ୍ତିତଲେ ତା଼କିନି ଜ଼ନ୍ତ ଗା଼ଡ଼ିକିତେସି; ଅ଼ଡ଼େ ଏ଼ ବାରେ ମାହାପୂରୁକି ନେହିଁ ତ଼ଞ୍ଜାଆ଼ତୁ।
Explore ମୂଲୁ 1:25