ଏଙ୍ଗାଲେ ପୁର୍ତିଲୋଙନ୍ ମନ୍ରାଞ୍ଜି ଗୋଗୋୟ୍ଲେ ପାଙେନ୍, ଆରି ଆନିଞ୍ଜି ଗୋଗୋୟ୍ ଆଇସିଜନ୍ କୋଡେଞ୍ଜି, ତିଆବନେଡ଼ା ଇସ୍ୱରନ୍ ଆ ଡାଙ୍ଗାଡ଼ାଅନ୍ଜି ମନ୍ରାଞ୍ଜି ଆ ଡାଙ୍ଗଡ଼ିଅଞ୍ଜି ଆମନନଙନ୍ ଗିୟ୍ଲେ, ଆନାଜି ଆନିଞ୍ଜି ମନ୍ନାଏଞ୍ଜି ଆନିନ୍ ଆନିଞ୍ଜି ସରିନ୍ ବିବାଲଞ୍ଜି । ପ୍ରବୁନ୍ ଗାମେନ୍, “ପୁରାଡ଼ାଞେନ୍ ଅଡ଼୍କୋ ଡିନାନ୍ ମନ୍ରାନ୍ ଆମଙ୍ ଅଃଡକୋଏ; ଇନିଆସନ୍ଗାମେଣ୍ଡେନ୍ ଆନିଞ୍ଜି ଜେଲୁଡଅଙ୍ ତୁମ୍, ତିଆସନ୍ ଆନିଞ୍ଜି ବସଅ ବକୁଡ଼ି ବର୍ସେଙ୍ ତୁମ୍ ଅମେଙ୍ତଜି ।” ତିଆବନେଡ଼ା, ପୁର୍ତିଲୋଙନ୍ ସୋଡ଼ା ଆରି ବୋର୍ସା ମରଞ୍ଜି ଡକୋଏଞ୍ଜି ତି ସିଲଡ୍ଲ୍ଲନ୍ ଇସ୍ୱରନ୍ ଆଡାଙ୍ଗାଡ଼ାଅଞ୍ଜି ମନ୍ରାନ୍ ଆଡାଙ୍ଗାଡ଼ିଅଞ୍ଜି ସରିନ୍ ଡକୋଲଞ୍ଜି । ଆମଙଞ୍ଜି ସିଲଡ୍ ପସିଜନ୍ କୋଡେଞ୍ଜି ଆନିଞ୍ଜି ନିୟ୍ ଆପର୍ତମ୍ମୁ ସୋଡ଼ାବୋର୍ସାମର୍ଜି ଡକୋଏଞ୍ଜି ।