Popular Bible Verses from DIANE 16

Share

Neela Jehofa ditiro tsa gago, mme maikaelelo a gago a tlaa tlhomama.

Pelo ya motho e tlhatlhanya tsela ya gagwe, mme Jehofa ke ene o mo kaelang tshepelo ya gagwe.

Mafoko a a monate a ntse jaaka lomepa lwa dinotshe, a monate mo moweng, e bile ke phodiso mo marapong.

Ditogamaano tsa pelo ke tsa motho, mme phetogo ya loleme e tswa mo go Jehofa.

Yo o bonya go galefa o gaisa yo o thata, le yo o laolang mowa wa gagwe o gaisa yo o gapang motse.

Boikgodiso bo tle bo etelele tshenyego pele, le boipego jwa pelo pele ga go wa.

Ditsela tsotlhe tsa motho di dintle mo matlhong a gagwe, mme Jehofa o lekanya bokete jwa mewa.

Yo o elang lefoko tlhoko o tlaa bona molemo, mme le fa e le mang yo o ikanyang Jehofa, o a ba a le sego.

Bonnye, fa bo na le tshiamo, bo molemo bogolo go dibapalo tse dikgolo, fa di se na tshiamo.

Go na le tsela e eketeng e siame mo mothong, mme bokhutlo jwa yone ke ditsela tsa loso.

Motho yo o lesoko o gasa kgotlhang, le mosebi o kgaoganya ditsala tse dikgolo.