Popular Bible Verses from DIANE 15

Share

Phetolo e e bonolo e thibosa bogale, mme lefoko le le tlhokofatsang le tle le tlhotlheletse bogale.

Go boifa Jehofa ke yone thuto ya botlhale, mme boikokobetso bo tle bo etelele tlotlo pele.

Loleme lo lo phepa ke setlhare sa botshelo, mme fa bogwadi bo le mo go lone bo phatlole pelo.

Kwa go se nang kgakololo gone, maikaelelo a tle a tlhaele, mme mo bontsing jwa bagakolodi a tle a tlhomame.

Pelo e e ntseng mokete e sesa sefatlhogo, mme mowa o phatlolwe ke bohutsana jwa pelo.

Matlho a ga Jehofa a mo mafelong otlhe, a lebeletse ba ba bosula le ba ba molemo.

Bonnye fa bo na le poifo ya ga Jehofa, bo molemo bogolo go khumo e kgolo, fa e na le letshwenyo.

Motho yo o šakgalang bobe o tlhotlheletsa kgang, mme yo o bonya go galefa o kokobetsa komano.

Pelo ya mosiami e tlhatlhanya go fetola, mme molomo wa baikepi o tle o gorometse dilo tse di bosula.