Popular Bible Verses from DIANE 10

Share

Tshegofatso ya ga Jehofa e a humisa, ga a ke a e oketsa ka bohutsana.

Mo bontsing jwa mafoko ga go ko go tlhokafala tlolo, mme yo o thibang dipounama tsa gagwe o botlhale.

Kilo e tsosa dikgang, mme lorato lo bipa ditlolo tsotlhe.

Motho yo o dirang ka seatla se se bolea o tle a humanege, mme seatla sa yo o tlhoafetseng se a humisa.

Yo o elang kwatlhao tlhoko o mo tseleng ya botshelo, mme yo o latlhang kgalemelo o a timela.

Yo o tsamayang ka thokgamo o tsamaya ka tlhomamo, mme yo o sokamisang tsela ya gagwe o tlaa itsiwe.

Go boifa Jehofa go oketsa malatsi, mme dinyaga tsa moikepi di tlaa khutsafadiwa.

Jehofa ga a ketla a leseletsa mowa wa mosiami go nna mo logabeng, mme o kgoromeletsa keletso ya moikepi koo.

E re fa setsuatsue se feta, moikepi a ba a sa tlhole a leyo, mme mosiami ke motheo wa bosaenkae.