Popular Bible Verses from LEFITIKO 26

Share

Ke tlaa sepela mo go lona, ke tlaa nna Modimo wa lona, mme lo tlaa nna batho ba me.

foo ke tlaa nesa dipula tsa lona mo dipakeng tsa tsone, lefatshe le tlaa ntsha totafalo ya lone, le ditlhare tsa lotlhagare di tlaa ntsha loungo lwa tsone.

“Fa lo sepela mo melaong ya me, fa lo boloka ditaolo tsa me, lo di dira

“Ke tlaa lo naya kagiso mo lefatsheng, lo tlaa robala, mme ga go na ope yo o tlaa lo boifisang; dibatana tse di bosula ke tlaa di khutlisa mo lefatsheng, le tšhaka ga e ketla e ralala lefatshe la lona.

Ke tlaa lo ngoka, ke tlaa lo naya lotsalo, ke lo ntsifatsa; ke tlaa tlhomamisa kgolagano ya me le lona.

Ke nna Jehofa Modimo wa lona, yo ke lo ntshitseng mo lefatsheng la Egepeto, gore lo se ka lwa nna batlhanka ba bone, ke robile dikei tsa jokwe ya lona, ka lo tsamaisa lo tsepaletse fela.

Ke tlaa tlhoma motlaagana wa me mo go lona; mme mowa wa me ga o ketla o lo tlhoa.

“Lo se ka lwa itirela medimo ya disetswa, le gone lo se ka lwa ikemisetsa setshwantsho se setilweng, le fa e le sefikantswe se se motloutlo, le gone lo se ka lwa baya lentswe lepe le le tshwantshitsweng ka sengwe mo lefatsheng la lona, go tla lo le obamela; gonne ke nna Jehofa Modimo wa lona.

Lo tlaa ja dijo tse di sa bolong go bolokwa, lo tlaa ntsha tse dikgologolo di sutele tse dintšha.

Ba le batlhano ba lona ba tlaa bo ba leleka ba ba lekgolo, le ba ba lekgolo ba leleka ba ba dikete di le some; baba ba lona ba tlaa wa fa pele ga lona ka tšhaka.

Go photha ga lona go tlaa ya go fitlha mo phulong ya lofine, le phulo ya lofine e tlaa ya go fitlha mo lobakeng lwa go jala; lo tlaa ja dijo tsa lona lo kgora, lo tlaa nna mo lefatsheng la lona ka boiketlo.

Lo tlaa leleka baba ba lona, ba tlaa wa fa pele ga lona ka tšhaka.

Lo ilele boSabata ba me, lo sisimoge felo ga me ga boitshepo, ke nna Jehofa.