Popular Bible Verses from GENESISE 41

Share

Josefe a fetola Faro a re: “Ga go yo mo go nna; Modimo o tlaa naya Faro phetolo ya kagiso.”

Faro a raya batlhanka ba gagwe a re: “A re ka bona mongwe yo o ntseng jaaka yo, e le monna yo mowa wa Modimo o ntseng mo go ene?”

Faro a raya Josefe a re: “E re ka Modimo o go supeditse tsotlhe tse, ga go na ope yo o tlhaloganyang le fa e le yo o botlhale jaaka wena. O tlaa nna tlhogo ya ntlo ya me: batho botlhe ba me ba tlaa laolwa ka fa lefokong la gago; fa e se mo setulong sa bogosi fela, ke tlaa nna mogolo mo go wena.”

A raya wa bobedi leina a re Eferaime; gonne a re: “Modimo o nkungwisitse mo lefatsheng la pogiso ya me.”

Josefe a raya wa ntlha leina a re Manase; gonne a re: “Modimo o ntebaditse letsapa lotlhe la me le ntlo yotlhe ya ga rre.”